السلام عليكم ورحمة الله ويا رب تكون جمعة مباركه علينا جميعا
كل الشكر والتقدير للقائمين على هذا المنتدى على هذا الترحيب الحار وأتمنى ان يكون تواصلى معكم فيه فعالا
واسمحوا لى ان ابدأ مشاركاتى بعيدا عن الصحافه
فانا اكتب الشعر الفصحى والغنائى ولى اغنيه نشرت لى منذ فتره اسمها خدنى معاك يا رب تعجبكم وكلماتها بتقول
ياللى مسافر للواحه لو كنت راحل استنى
خدنى معاك الله يخليك لوأشوفها غايه ما اتمنى
دى الخارجه واحة من الجنه بترابها كفى بيتحنى
لجمالها ياما كتير غنى وفى سحرها تتقال الاه
والداخله طيبه ورقة قلب اعطش وتروينى من الحب
وميه من الجنه بتتصب اشرب واقول الله الله
باريس وكرم الناس فيها فى الشده دايما تلاقيها
واقفه معاك مادة ايديها بلد الغريب تتمنى لقاه
فرافره سحر وجو جميل وهواها ليه القلب يميل
وصحرا بيضا ماليها مثيل جمال حقيقى هناك تلقاه
الرئيسية 
