موضة الالفاظ ولغة الشباب اليومين دول

السلام عليكم احبائي الكرام

انا هتكلم معاكم انهارده في موضوع موضة الالفاظ

الفاظ الشباب اللي طالعة موضة اليومين دول

زي روش

طحن

كوول

بيأفلم

كبر

نفض

طير انت

فكك يامان
استكانيس: يعنى انا مرتاح كده اوى

- فى الامبلايز: يعنى الحكايه بايظه بايظه

- استمورننج: دى بقى بتتقال على الصبح



- لحوس : لخص

- خليك فرش عشان الوش ميكرمش

-خليك اون ومتبقاش اوف ( خليك ايزززى ومتبقاش قفل)

-انا جالى هبووط في الزعبوط (هبوط حاد )

- واد شامبو ( واد طيب)

- اددينى سلك ( اديينى رنة )

- خليك فى كوزك لحد منعوزك : ( متتحشرش في اللي

مالكش فيه)


ألفاظ شاذة وغريبة على لغتنا العربية بدأت تنتشر بين أوساط الشباب ، هذا ما أكده تقرير شامل وخطير صادر من مجلس الوزراء المصري وكشف التقرير كيفية وصول وانتشار هذه الألفاظ وأكد أن البطالة والإحساس بالسلبية والشعور باللامبالاة وراء ظهور مثل هذه الألفاظ الشاذة

شايفين ياجماعة مستوانا الفكري والادبي واللغوي وصل لفين

شايفين جيل الشباب الروش طحن بيدمر في ثقافة شعب ازاي ناهيك عن استخدام الللغة الانجليزية عمال علي بطال
وكأن اللغة العربية اصبحت بلدي اوي سوفاج يعني

بجد انا وداني بتتعب لما بسمع الالفاظ والتعبيرات الغريبة والغبية في نفس الوقت

مع اني لسه شباب زيهم بس بحس بحالة ارف لسماع تلك الالفاظ

موضوع مطروح للنقاش

السلام عليكم ورحمة الله وبركاتة

اخى العزيز اشاركك الرأى فى مستوى الالفاظ ودة واقع لا يمكن انكارة لكن فية شئ اتمناه فأنا لا امانع فى استخدام الالفاظ لكن بشرط يكون الشخص منتج فاعل فى مجتمعه.

يعنى النهاردة الشباب لو عاملين الصح بيشتغلوا على الصح بيكافحوا صح عارفين الصح من الغلط ولهم دور ايجابى فى المجتمع ايه المانع من بعض الالفاظ اذا ماكانت دى الطريقة التى تجعلهم منتجين وفى حدود اللائق وعدم التجاوز واحترام الآخرين.

ياريت تبقى مسألأة الفاظ وتغيير الفاظ الموضوع اكبر من كدة بكتير

تحياتى
محمود - الدوحة