ايا معش الرجال رفقا بالقوارير

أنا مستحييييييييل أقول للشاب لازم تساعد أهلك في المطبخ وتنظيف البيت .. لأني على يقين أن " كل يسير لما خلق له " وإن ده مش شغلتك !

احنا بس مش عايزين غير " شوية تقدير " .. انتا عارف لو جربت يوم واحد بس تتولى مسؤولية البيت .. هتصحى تنتحر تاني يوم ^^

من الغسيل للنشير للمكوى للطبيخ لتنضيف البيت للكنس للمسح ، للبنت الي عايزة تتسرح ، للولد إلي عايز يغير ، للمواعين إلي ملت الحوض .. شيلي الأكل حطي الأكل .. وطبعا 3 واجبات في اليوم ( طبخ وشيل وحط وغسل مواعين ) ده غير طقم الشاي إلي بعد كل وجبه ..

مش عايزين غير مجرد إحساس بينا وتقدير لجهدنا ووقتنا إلي بنضيعه عشان راحتكم ~

فيها إيه لما تدخل على زوجتك في المطبخ وهيا بتغسل المواعين .. تبوس راسها : يسلم إيدك ربنا يخليكي لينا ..

فيها إيه لما اختك تحضرلك العشا وتقولها : " شكرا .. معلش تعبتك معايا "

فيها إيه لما ترجع البيت تلاقي امك بتمسح وجسمها اتكسر من كتر الشغل .. تبوس إديها وتقولها : جزاك الله خيرا يا أحلى أم .. ربنا ما يحرمنا منك أبدا .. مش عايزه أساعدك في حاجه ؟!

فيها إيه لما الأكل مره يطلع مش مظبوت مابين مية مرة بتاكله فيها تمااااام .. بس المرادي تطنش بمزاجك .. وتجامل بكلمة حلوة ؛ على فكره هيا مش قاصده انها تعمل الأكل وحش وتعبت فيه جداااااا .. بس جل من لا يسهو ~

كلمة تقدير واحده من الرجل كفيله بأن تجعل يوم المرأة كله مليئ بالإنتعاش والنشاط والحيوية .. ومش هتمل أبدا من شغل البيت .. عشان هيا متأكده إن فيه إلي بيقدر تعبها ده وحاسس بيا وبيغفر ذلاتها ~

فوق قلت لك مستحيل الزمك بالماعدة في المطبخ

بس هقولك لو تقدر تساعد متبخلش يعني دية في الاول والاخر نصك التاني ويوم ما تتعب انت اول واحد هتحتاس وتقول فينك ياام العيال كنتي دينمو البيت ^_^

ايا معشر الرجال .. " رفقا بالقوارير " ^_^