نصايح مهمة للبنات فى فترة الخطوبة

لو ربنا فك عقدتك واتخطبتى فاليكى نصائح هامه حتى تاخذى بخطيبك من
مركب الخطوبه اللى محدش عارف هترسى على ايه الى مثواه الاخير فى قفص
النسانيس قصدى قفص الزوجيه السعيد

اجمل ما فى الخطوبه العزومات الرومانسيه على احلى محلات اكل فى البلد واللى عمرك ما هتشوفيها تانى بعد الجواز

المهم النصايح ليكى عند اى عزومه مع خطيبك قلنا رقه

1-الاول لازم تعرفى ان الشوكه والسكينه بيتمسكوا من ايديهم من الطرف يعنى مش من الوسط

2-العيش اوعى تفضحينا وتقطعيه بسنانك ولا الرغيف نصين بايدك وكل نص تاكليه وتحشرى....اوعى

العيش
بيتقطع بالسكينه فى الطبق وبعدين تاخدى لقمه لقمه بالعافيه قال يعنى نفسك
مسدوده اضغطى على نفسك وعلى اعصابك جدااااا وبعدين لما تروحى ابقى كملى زى
ما انتى عاوزه

3-الشوربه اتوسل اليكى بند الشوربه دا مهم اوى اوى

الشوربه تتشرب من غير صوت خالص ومن غير ما تقعدى تنفخى فيها زى القهوجى اللى بينفخ للزبون فى الحجر

بالمعلقه وبدون صوت سخنه ولعه برضه بدون صوت

4-الرز طبعا بيتاكل بالشوكه اوعى ايدك تتمد عى المعلقه وتغرفى من طبق الرز وتعبى اوعى الرز بالشوكه وكانك بتبوسيه مش بتاكليه

5-المكرونه الاسباكتى برضه بالشوكه تتلف على طرف الشوكه لحد ما تخلص وبعدين تحطيها فى بؤك من سكات مش تشفطى المكرونه عود عود

6-السمك مشكله شوفى بتفصلى الحم عن الشوك ازاى اقولك بدل الفيلم الهندى دا ... نصيحه متكليش السمك خالص

قولى مبحبش السمك وخلصى نفسك

7- الفاكهه لو فيها بذر طلعيه من بؤك بالراحه وحطيه فى ايدك وهى مقفوله اوعى يا حبيبتى من اى نظام تانى مينفعش

8-
لما تخلصى اكل تحطى ايدك على بطنك اللى عصافيرها بتصوصو من الجوع وتقوليله
مش ممكن انا عمرى ما اتفجعت كدا انا ادامى اسبوع هبطل اكل فيه

وبعدين تمسكى الفوطه اللى دايما موجوده على الترابيزه من غير لازمه

وتبوسيها ال يعنى بتمسحى بؤك

وبعدين
تستاذنى منه لدخول التواليت لاصلاح مكياجك وتدخلى التواليت وتطلعى منه لفه
الفول والطعميه اللى انتى جايباها معاكى وبالهنا والشفا

واتمنى انكوا تضحكوا من قلبكم لان الدنيا مش مستاهله

منقوووووووووووووووووووووووووووووووووول

زائر

طيب لما نشوفك هتعملى ايه؟؟؟؟؟؟؟؟؟

هههههههههههههههههههههههههههههههههههههههههههههههههههههه

جميلة يا كونان بس مفتكرش إنه ممكن يكون فيه حد بيعمل كدة فى

الوادى..أنا عن نفسى مكلتش فى مطعم قبل كدة هنا فى الخارجة

كلها حاجات خفيفة واحنا بنتمشى

لأنى فى المطعم هبقى مكسووووووفة جدااااااااااا

لو مش منه هيبقى من الناس...

والحمد لله هوة بيقدر كسوفى..

اولا ميرسى ع مروركم

ثانيا هبقى اقولك يا محمود هعمل اية لما اتخطب بعد اعمار طويلة
مش عمر واحد

ثالثا كويس يا دلوعة انك بطولى حاجة ودة المهم مش مهم بقا وانتو بتتمشوا ولا ف مطعم
ههههههههههههههه

زائر

احبــــــــــــــــــــــــــاط
وحقد كمان

ده انتى حالك صعب اى

ههههههههههههههههههههههههه

دة مش احباط ولا حقد

دة هزار مع الدلوعة مش حقد
وربنا يوفقها

ومش احباط لانى متفائلة جدااااااا
ولانى الحمد لله واثقة من نفسى جداااااااا
وبعد اعمار طويلة لانى عايزة اعمل حاجات كتيرة قبل الجواز

زائر

طييييييييب

الحمد لله انك اقتنعت

زائر

طيب مش معناها اقتنعت

امال معناها اية سيتك ؟
وقولى مش مقتنع بأى كلام عشان اقنعك

هههههههههههههههههههههههههه
حلوة يا كونان

ميرسى يا فراشة

» عشر محظورات فى فترة الخطوبة
» نصايح تهمك
» نصايح مفيده لعلاج الاكتئاب
» سلسلة أروع ما قيل في (( الخطوبة والزواج))
» اخر تصنيف للبنات على النت ؟؟؟؟