فيه واحد بأحد المنتديات لسه امبارح راح منزل الزجل ده
(بجد بجد ده استفزاز)
شوف بيقول ايه..!
ارجع ياريس كنا بنهزر معاك
ارجع ..كنت حامينا من وجع الدماغ و قولة اة و لأ
ارجع .. انا اكتشفت ان ليا صوت
......
...ارجع يا ريس.. قبل العيد عشان نعرف نقول عيد مبارك
ارجع يا ريس.. مش لاقيين اسم لمحطة رمسيس في المترو
ارجع يا ريس... تقريبا نسيت نور الصالون في القصر مفتوح
ارجع ..لحسن شكلك هيبقي وحش قدام السادات و ناصر لما يسألوك مشيت ازاي؟
ارجع يا ريس.. وحشنا ابنك جمال
ارجع ..عشان ننزل التحرير تاني ونأكل كنتا كي
ارجع.. بقوا يطبخوا ع الفحم في اسرائيل
طب ارجع يا ريس.. واللي اتفرم يتصلح
ارجع يا ريس... شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني.. أو تامر أمين..
ارجع يا ريس انا بقيت بتكلم في السياسة براحتي
ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟
ارجع يا ريس ..شكلنا هنبقي من الدول المتقدمة
ارجع بقي.. ده حتي هالة سرحان رجعت، يرضيك كده يعني؟؟
يا ريس ارجع.. انا خايف رغيف العيش يكبر وأنا ناوي اعمل دايت
ارجع بجد دلوقتي لما مبيعجبناش وزير بيتغير، المسئولون اتبهدلوا من بعدك!
ارجع يا ريس، الإخوان بقوا بيطلعوا في التليفزيون الحكومي
طب بص.. بلاش انت ترجع.. بس جمال وعلاء ضروري يرجعوا قبل رمضان.. هنعمل الدورة الرمضانية ازاي من غيرهم؟
الرئيسية 
