اجتماع شباب الوادى

شكرا لكل من حضر الاجتماع انا حضرت الاجتماع ومن بدايتة ولاكن لى تعليق ان موعد الاجتماع ومكانة معروف منذ اكثر من اسبوع ولاكن لاحظت ان مدير المنتدى يعتذر وينصرف ولعل المانع خير وثانيا نائب المدير حضر متاخرا ممى ادى الى اعادة الكلام الذى قيل فى الاول انا رايح بصفتى عضو فى منتدى شباب الوادى ولاكن وجدت جمعيات واتلافات كان يجب ان ينبه او ينوه عنها من قبل الخلاصة انة عدد لاباس بة وكل من تكلم لهم التحية واخص الاستاذ جرجس تقاوى وانا معة واايدة فى لا للاعتماد على القطاع الخاص بس عايز اقول له كلمه حضرتك بتقول العمل الخاص لازم يبقى بفلوسى انا انا مشتغلش عند حد طب يبقى هتشتغل لوحدك منغير افراد وعن مشكلة البطاله اايد استاذ احمد صبرى فى امر التكليف بس ياريت يتعمم يبقى على جميع الخريجين وياريت ننوة عن ميعاد الاجتماع القادم وهو يم الجمهة بعد القادم 25/3/2011
استاذ احمد رافت اهداف الجمعية اهداف نبيلة وحق مشروع لنا جميعا الى مزيد من التقدم
اسف على الاطالة

مشكووور استاذ نبيل ععلى التعقيب على الاجتماع وشرفنا بحضورك مع أني متعرفتش عليك وجها لوجه ولكن لي تعقيب على تعليقاتك
أولاً الميعاد تحدد فعلا من وقت وضع الأعلان كان يوم الثلاثاء وليس من أسبوع .
النقطة الثانية مدير المنتدى لم يكن عنده علم بالاجتماع لظروف لديه انقطاع بالانترنت في المنزل فتغيب الفترة الأخير وأبلغته تليفونيا ولظروف عمله لم يستطع الاستمرار للنهاية .
النقطة الثالثة أنا كنت موجود من بدايته لنهايته وكنت قائم على تنسيق الحوار للخروج بالصورة اللائقة
سبب تأخير محمود زميلنا كان عنده تسجيل في الإذاعة
النقطة المهمة أننا تعمدنا في الدعوة أن ندعو أعضاء الحركات التي ظهرت للخروج بكلمة واحدة ورأي واحد ويد واحدة أي توحيد الكلمة بغض النظر عن مسميات الحركات .
وأسف على الإطالة عليك يا أستاذ فريد وأرجو الله أن نكون قد خرج المنتدى بصورة جيدة اليوم

شكرا استاذ eng_civil82 على التوضيح وانا اسف لم اقصد ان ازعلك ولاكن هل وقت الاجتماع كان كافى اعتقد كان فية كلام كتر لسه متقلش وكان فيه اعضاء عايزة تتكلم برضة متكلمتش الرجاء اعطاء مساحةاكبر فى المرات القادمة

هوة فعلا الوقت مكنش كافي وبدأنا متأخر شوية على ما الناس اتجمعت انشالله نعوضها الندوة القادمة

البشمهندس كان موجود من الاول الحوار لحد النهايه هو اللى نظم الاجتماع عشان يكون لائق والحمد الله الاجتماع كان اكتر من رائع ده من راى وميرسى ليك يا استاذ فريد على حضور الاجتماع

زائر

اولا انا اسف جدا على التاخير وده كان لظروف خارجه عن ارادتى والله كان عندى تسجيل فى الاذاعه وانا اساسا من الساعه 3 فى الاذاعه على الهواء وبعد كده سجلنا مع المذيع محمد بدر لحد ما جيت الاجتماع
ثانيا كان هدف الاجتماع المعلن التقاء الشباب بمختلف انتمائهم تحت كلمه واحده ومناقشه المصلحه العامه
ولكن اتفاجئت بالجمعيه وهيه بتعلن عن نفسها واهدافها واخطواتها واستغلت الاجتماع للدعايه لها
كان المفروض لو هنعلن عن الحركات فى الوادى كنا نجمع الاربع حركات وهيه(( شباب ائتلاف الثوره )) ((وحركه شباب مصر)) ((و الجمعيه العامه للتنميه)) (( وحزب شباب التحرير))

يا محمود لو كنت حضرت من بداية الاجتماع كنت لاحظت أن الكلام كان عام مكنش مقصود بيه حد بعينه وبعدين أنا دعيت شباب الائتلاف بالفعل انت كان عندك ظروف تسجيل ولكن للأسف لم يحضر من ينوب عنك .
النقطة التانية أنا أقسم بالله ما أعرف حد من حركة مصر ولا شباب التحرير والا كنت دعيته كان الأولى لو كنت تعرف حد منهم كنت دعيته لأنك أحد أعضاء المنتدى اللي منظمين الاجتماع لأني حسيت والله أني شغال لوحدي في الدعوة وعملت على قد ما قدرت علشان يخرج الاجتماع بالصورة المرضية .
مكنش فيه استغلال ولا حاجة من الجمعية للندوة واسأل الحضور اللي كانو موجودين من البداية .
هما عرفوا نفسهم وكانو وقالو أهداف الجمعية ونشطاتهم والخطوات الجارية للاشهار وتحديد مقر ودا اللي كان أغلب الحضور طالبه عايزين مقر يجتمع فيه الشباب بصورة شرعية وكمان عايزين شرعية للمؤسسة علشان تعرف تشتغل .
كان البرنامج اللي كنت منظمه بعد كلمة مدير المنتدى أن كل عضو في حركة موجود معانا يطلع يتكلم ويطرح أهداف وأفكار الحركة اللي ينتمي فيها ونتناقش فيها علشان نوحد كلمتنا .
ولكن للأسف لم يحضر أحد من الائتلاف في البداية فلا تلقي اللوم على المنتدى .

اولا احب ان اشكر استاذ فريد الملك لاطراءه الرقيق لجمعيتنا واتمني ان نكون عند حسن ظنكم
ثانيا اتمني يا استاذ محمود ان تكون الصوره وضحت لحضرتك بعد كلام المهندس عن جمعيتنا فنحن لا نستغل لاموقف ولا احد واسم الجمعيه ماهو الا وسيله وليست غايه فهدفنا واحد تحت اي مسمي وهو محاربه الفساد المهم هو العمل بجديه
ولهذا لا اري اي سبب وجيه لتحاملك ع الجمعيه واعضاؤها وبالرغم عن هذا فنحن نتقبل النقد ولكن النقد الهادف وليس الهدام
ونحن علي اتم استعداد علي ان توجهنا وتفيدنا بخبرتك ونكون لك شاكرين
واخيرا اتقدم بجزيل الشكر للمهندس علي مجوده الرائع ف الاجتماع واني لنادمه اشد الندم علي عدم حضوري وارجو من الله ان يوفقني لحضور الاجتماع القادم باذن الله
اسفه جدا ع الاطاله

» ملخص اجتماع شباب الوادي الجديد بالنادي الاجتماعي يوم الجمعة الموافق 11/3/2011
» محافظ الوادى الجديد يقرر عقد اجتماع عاجل للمجلس التنفيذى فى أول أيام مهامه
» افتخر فأنت في منتدى شباب الوادى
» ترقبوا حصرى على موقع شباب الوادى الجديد: نتيجة الشهادة الابتدائية والاعدادية محافظة الوادى الجديد 2013م/2014م
» ترقبوا حصرى على موقع شباب الوادى الجديد: نتيجة الشهادة الابتدائية والاعدادية محافظة الوادى الجديد 2013 م خلال ساعات