الرساله الاولى
من الشـاب
ع.ع.حسنين
...القاهره
موظف كبير في اداره كبيره
واطلب عروسه جميله
و غنيه شوية
وياحبذا لو تجيد الكتابه
ويا حبذا لو تجيد الطبيخ
انا لوني أسمر
وباطلبها بيضا
عشان ابننا يجي قمحي
وشكرا لكم
الرساله الثـانيه
من الشابة
عليه الجندي
اسمي عليه الجندي
من قريه كفر الجزار
ووظيفتي مدرسة في قريه تبعد عن بيتنا
حوالي اتناشر كيلو
وانا مش متعودة اقرا مجلات
باقرا بس جرايد اليوم
وكمان بالعافيه
في الفلاحين يا استاذ ع.ع
حنجيب حق مجلات او وقت منين؟
وامبارح بعتت لي المنطقه ..
رحت... وعشان اقطع وقتي في القطر بحاجه مفيده
شفت في ايد البياع جرانين ومجلات
ولقيت وسطيهم مجله جديده
قلت ما يمنعشى الواحد يدفع فيها قرشين
دي مجله عن الشبان والشابات
ولا انا يعني عايشه فين ؟
وفوجئت بحاجه غريبه
بالاعلان!!
وقريته مره ف مره ف مره
بقى معقول ؟!
معقول ده بقى حال الشبان
ولا الشبان في المدن الكبرى غير شبان الأقاليم
انا قلت لنفسي المفروض العكس
دول تحت النور
اما احنا فعايشين في حته بعيده
وانا طبعا مش عارفاك
عمري ما كلمتك .. عمري ما قعدت معاك
قلت لنفسي بقى ده معقول؟
الي انا عارفاه هو المايل وهوه المعدول ؟
احنا الفلاحين الي على دماغنا قفل حديد
ولا دماغكوا انتو يا شبان العاصمه هو المقفول؟
يا ترى يا عليه ازاي بيفكرو شبان من دول ؟
ماتخافش يا استاذ ع.ع.حسنين
ماتخافش
لو كنت انت الشاب الوحداني في العالم
وانا الشابه الواحدة
تأكد
ماحنتجوزش
وده يرجع لشوية اسباب
اولها ان انا رأي انك اما أهبل
او جاهل
او نصاب
fatma Abdelsattar:
وانك لاموظف في اداره كبيره ولا حاجه
اصله ده معناه انك متعلم
متخرج من جامعه
فاذا كانت الجامعه قالت لك دي طريقه
يبني الانسان بيها حياه
تبقى كذاب
وانا عارفه ان الجامعه بتهيأ فكر الانسان
عشان يبني بيها علاقه حب يعمر بيها الدنيا
السكه الصح ان الانسان يختار
يقابل في طريقه انسانه يحس بانه لقى نصه التاني
ممكن تبقى عضمايتين
سوده او بيضا
غنيه او فقيره
وانا اعرف ان ده مش ممكن يجي بطريق الاعلان
فالزوجه مش شقه او عربيه قديمه
او علبه اومو او دكان
fatma Abdelsattar:
المتعلم يبحث عن انسانه في درجه تعليمه مثلا
مش تبقى غنيه وتجيد الطبخ ؟؟
دي انتهازيه بني ادم قلبه وفكره خسران
الانسان يا استاذ ع.ع. مش مشكلته الراحه والاكل
دي مشكله يمكن موجوده عند الحيوان
وكمان حتى مش كل الحيوان !!
بقى عاوز ست غنيه وبيضا وتجيد الطبخ؟
يا غلبان ؟؟؟
المال
الجنـس
الاكل
وبعده مافيش ؟
مين قال ان الانسان بس بدول بيعيش؟
وانت اسمر
وعايزها بيضا عشان ابنكو يجي قمحي؟
انما يجي عظيم
عالم
fatma Abdelsattar:
يخدم بلده واهله ؟
دي حاجه ما هيش محطوطه في الحسبان ؟؟
يجي كداب
يجي لص
يجيك منحل
يجيك خاين لبلاده جاسوس
مش ده الموضوع
انت بتاع اللون القمحي زي ما قال الاعلان
احمد ربي
اني فقيره
وان جمالي مش م النوع الي انت بتدور عنه
واني سمرا
ودي كلها وصفات مش مكتوبه
واحمد ربي
ان انا مخطوبه
لشاب زميلي فقير
مدرس زي
لا هو في اداره كبيره ولا مدير
لكنه أمير
fatma Abdelsattar:
وبيحلم زي ببيت طيب متواضع
وبطفل صغير
كل ما يكبر
يكبر وياه حبه للناس
والخيـر
الرئيسية 
