قصيده( ايوه بغير )

وهي قصيدة بالعاميه الصعيديه المصريه

لشاعر رائع وهو هشام الجخ

قصيدة ايوه بغـــــــــير

أيوة بغير

لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عَندك .. عٍندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

يارب تعجبكم

تحياتي shitos

ياوهوي ع الاقتباس ياشيتوس

بس تصدق فونتك احلي من فونتي احتمال تروح ع الارشيف

او ممكن نخليهالك ذكري هههههههههههههههههههههه

بهزر

قصيدة جميلة يا شسيتوس تسلم على الموضوع

هو حضرتك يا بشمهندس ملاحظتش انها مكرر وانا كتبتها تبع اول موضوع لهشام الجخ في المنتدي Sad

مواضيع هشام الجخ فعلا هنا كثيرة انا ملاحظتش تكرار الموضوع

وبعدين ياشيتوس بلاش كلمه تحياتي

سمعنا انها حرام

اولا شكرا علي المرور الكريم يا عبير
شكرا يا باش مهندس

ثانبا انا والله معرفش انك كتبتيها قبل كده
ثالثا تحياتي حرام ليه

اولا لو تابعت الموضوع اللي اتكتب هنا مكنتش سالت ليه

ياريت تتابع كل المواضيع او علي الاقل اللي هتلاقيها قدامك وفي حياتك اليوميه

» ايوه بغير
» من خطوات الشيطان...الدعوة إلى الله بغير علم
» قصيده جمعت صور القرآن
» قصيده في حب الرسول صلي الله عليه وسلم
» قصيده لاسماء بنات يمكن اسمك منهم