طرد أمناء ورجال الشرطة من المنازل

لا اله الا الله
حاجه مؤسفه جدا لما نسمع حاجه زي كدا ياجماعه افهموا احنا روحنا او جينا ف النهايه اخوات ومصريين مش ينفع نعمل كدا ف بعض والله حرااااااااااااااام احنا كده بنشوه صوره الثوره

حاجة مؤسفة ليه يا باش مهندســه/ غادة هما يستاهلو اكتر من كدا

هى حاجه مؤسفه بس يستاهلو انا قبل كده قلت ان واحد قريبى واخد طلقه فى صدره وفى اسيوط والتانى اللى خد غرز فى دماغة كان بسب امين شرطه كان راكب متوسكل وقاله تعالى اوصلك بعد قريبى ماركب امين الشرطه اللى المفروض بيحميناضربوعلى دماغة كذا مره وبقى فيها اكتر من جرح شفتى هما عملو ايه يبقى يستهلو ولا لا

والله يا جماعه هى حاجه تزعل بس الى بيحس بظلم ممكن يعمل كده واكتر وبعدين معروف عن امنا الشرطه ان هما ملهمش مله ولا دين قلوبهم من حجر اه هما بحكم شغلهم لازم يحكمو عقلهم بس لازم يعرفو الفرق بين العقل والظلم وهما ظلموا كتير واللى بيموت ظلم يبقى نفرحلو من قلوبنا علشان نال الشهاده وربنا يجعلنا من الشهدا

في اخبار من سيدة تسكن بجوار هذه الشقة
قالت بان هؤلاء الامناء هم من فعلو ذلك
لكي يتمكنو من ترك المكان وعندما قامو بحرق
الشقق الاهالي طردتهم
تحياتي

الناس معذوره وده شعب طيب ولو ان هذه الأحداث في بلد مثل العراق كان هؤلاء ذبحوا وتم تصويرهم وبدون مبالغه .....واضيف ان تغيير الصوره الذهنيه السلبيه للشرطه ستاخذ وقتا ويجب للوصول لذلك الاقدام على خطوات تغيير وااااااااااسعه وتغييرات كبييييييييييره واستبعاد 90% منهم لأنهم مرضى نفسيا بجنون العظمه وبارانويا وحب السلطه والتعذيب و............ والحق اقول أنك تستطيع ان تجد 3 صالحين بين كل 100 شرطي والبدايه في التغيير تبدأ من تغيير زي الشرطه الذي يشبه الشياطين ثم تغيير المناهج الشرطيه واعادة توجيه الضباط الى احترام ادمية الانسان وحقوقه والحياديه والضمير و..............
واسف على الاطاله

ياجماعه انا معاكم انهم ظلمونا وقصروا ف حقنا بس لو كل واحد خد حقه بايده البلد هتبقي فوضي ومش ننسي ان الناس دول اكيد ليهم اهالي هيزعلوا عليهم زي ما زعلنا علي شهدائنا ياريت نحاول نسامح وننتبه لبكره ولمستقبلنا

حسبى الله ونعم الوكيل ولكل ظالم نهاية

الى الاخ المسئول عن المنتدى انت ابن من ابناء الوادى يعنى المفروض المعلومة لما تكون عن البلد من الاولى انك تقول المعلومة الصح للعلم يا اخى العزيز امناء الشرطة هما الى ولعوا فى الشقق والدليل انهم اخدو اغراضهم بالكامل وولعو فى الشقق وخرجو منها ولا حاجة من حاجاتهم حصلها اى ضرر وعملو كده عشان يضغطو على قياداتهم وينزلوهم اجازات بحجة ان اهل البلد بيهددوهم ودى ممارسة معتادة منهم سياسة الكدب والافترا على الناس والى الاخت المهندسة غاة ارجوكى بلاش العاطفة الى ودتنا ورا الشمس دى اقسم بالله الذى لا اله الا هو انتى لو شفتى يوم واحد من الايام الى كانو وروها الناس دول لاهل البلد مكنتيش قلتى كده ابدا وهرد عليكى من كتاب ربك اية فى القران بتقول ومن اعمالكم سلط عليكم يعنى الجزاء من جنس العمل واتمنى من الله عز وجل ان يكون بلدنا امنا سالما

شكرا يا جميل على تصحيح المعلومة ايوا كده عايزك تتابع اول باول انا بدخل عندك عشان اعرف الجديد عن البلد وربنا يوفقك يا هندسة

السلام عليكم ورحمه الله وبركاته
انا بس عوزه اقول لاستاذ مراد ان اي عضوف المنتدي مش معصوم من الخطا وكل فرد فينا معرضه انه توصله معلومه خطا وما كان من توفيق لينا فمن الله وما كان من سهو او نسيان فمنا ومن الشيطان
اما بالنسبه للعاطفه اللي ودتنا ورا الشمس اولا دي مش اكتر من رحمه باخواني حتي لو كانوا ظلمونا او غلطوا فينا لان ده اللي علمهونا الرسول صلي الله عليه وسلم ف حديث فيما معناه مثل المؤمنين ف توادهم وتراحمهم وتعاطفهم كمثل الجسد اذا اشتكي منه عضو تداعي له سائر الاعضاء بالسهر والحمي ولو كل فرد اخد حقه بدراعه بلدنا هتتحول غابه
يارب تكون وجهه نظري وصلت واسفه ع الاطاله

كلامك مظبوط يا غادة
ومقنع

وجهة نظر تحترم لكن حديث الرسول صلى الله عليه وسلم لا ينطبق على من قتل وسفك واثار الرعب فى قلوب الناس ومعتقدش ان هما دول المؤمنين الى رسولنا القدوة يقصدهم وعموما دى وجهة نظر وانا لازم احترمها سواء اقتنعت بيها او مقتنعتش

جزاك الله خير اwww وشكرا ا مراد

ثقو في قواتنا المسلحه التي انعم الله علينا بها ورفعها فوق الشرطه وقد احال المجلس الاعلى كل المشتبه بهم من الشرطه الى القضاء فثقو بالقضاء النزيه .ولكن الجرح الذي ظل ينكأ على مدار السنين صعب ان يلتئم في ايام .عقدة الشرطه قديمه وتحتاج الى حلول جذريه والى تغير سيكلوجية ضضابط الشرطه الذي يلقن ويتعلم انه افضل من كل الناس ويدرس الاجرام ليس لمواجهته ولكن لاستخدامه ............اكيد فيه شرفاء ولكن قليل وانا واحد ن الناس ليس بيني وبينهم اي شيء ولكن يستفزني تعاليهم وعجرفتهم وباشويتهم التي تعتبر سبه في الجيش ................................... واتحاشى التعامل معهم ولا احب حتى النظر الى البشوات المتعجرفين الفارغين ..........على الرغم من ان والدي رجل شرطه سابق ويحترمه الجميع ويقدره الجميع بل الكل يقول له ...انت لم تكن منهم بل كنت واحد منا نحن الشعب

انا مش عرفة اصدق مين همة الى فعلوها ولا الاهالى من غيظهم ما علينا بس لو الاهالى اقولهم احنا بطبعية المحافظة بتعتنا الهدوء والناس بتحب بعضيها الى حد ما المفروض ما نعملش التخريب دة ولو همة الى عملو كدة ده طبعا منهم لله لانهم سراحة فى بلدنا اخدو وضع فوق وضهم وهمة بيركبو عربية المدينة السواق بيقلة ياباشا ولو مش رايح المرور يدخل باعربية المرور مخصوص علشانة تحش ان امين الشرطة حيعقبة لو ما ودهوش المرور واحنا الى عملنا فى نفسنا كدة اغلب البلد او المحافظة تحترم الغريب وتخاف منه جدا لو ماسك منصب سبحان الله واهل بلدى اقول علية ما ينفعش واطلع فية القطط الفطسة يلة ربنا يتولانا برحمتة الواسعة