الحب كلمة معناها يحتاج دروس..
الحب إحساس مزروع جوه النفوس..
الحب غنوة كلماتها مش للبيع بالفلوس..
نغم وألحان علي أوتار قلوب متيمين..
لحظة دفا تكفي شتا ناس بردانين ..
نجمه عاليه في سما كتير سهرانين..
مستنيين لحظة تقرب قبل ما الفجر يداري عليها..
والصبح علي قلوبهم يدوس..
الحب حاله وألف جرح وتضحيات..
الحب عمره ما كان مجرد خد وهات..
لو كنت حاسس إنك يوم إتظلمت..
إبكي يمكن بكاك ينسيك اللي فات..
الحب طيف وقت الخريف يغطي على قبح الشجر..
وفي وقت ليل يداري على ضي القمر..
فجأة تلاقيه يخطفك يملك مشاعرك..
من غير ما تشعر تلقى نفسك شاكر للقدر..
الحب سرحة في وسط دوشة وناس كتير..
حتى ولو بينهم ملك وابن الوزير..
تاخدك لوحدك فوق حدود أقصى الحدود..
والناس تفوق وكسوفك يملا الخدود..
بس بأمارة حب واحدة الكل عن لومك يعود..
الرئيسية 
