أيوة مصري وبفتــخر...
إنّي من أرضك يامصرْ..
أيوة مصري والزمن..
يشهد علينا في كل عصرْ..
مهما بدّلتوا الحقيقة...
مهما بالكدب افتريتوا..
التاريخ فاكر حكايتي....
يحكيهالكم لو نسيتوا....
في اليمن ضحّيت بروحي...
وابتديت عهد السلام..
في الكويت نزفت جروحي...
بالسلاح.. مش بالكلام..
لمّا أرض القدس نادت من سنين...
مين هيمسح دمعت الأقصى الحزين؟؟
مين هياخد تاري منهم...
اليهود المُعتدين..؟؟
كنت وسط الناربدافع...
عن بلاد المسلمين..
لسة برضه بتسألوني......إنتَ مين؟؟؟؟
أنا اللّي هدمت أسطورة...
ودايماً رايتي منصورة..
وكل الدنيا مبهورة...
بأجدادي... وأمجادي..
أنا المصري ومين قدّي؟؟
بعيش أيامي في تحدّي..
يفوت العمر ويعدّي...
كفاحي عنيد.. ومش عادي..
باقولها بقلبي ومشاعري..
وكل الناس هتسمعني..
مفيش مخلوق هيمنعني...
أعيش مصري..واموت مصري..
منقــول
الرئيسية 
