هنبقى منهم.. يا عم زينهم؟
فى بلاد الفساد كونيا الإسلامية
شوفت ناس يا عم زينهم
اللى باين من هدومهم
أكتر أوى م المستخبى
شوفت ناس عمّالة تلعب
والديانة عملوها ملعب
واللى باين من قلوبهم
وراه كتير مستخبى
شوفت ناس رافضة الحجاب والنقاب
وأى حاجة فيها دين
ناس ماتعرف همّا مين
ولما تسأل بيقولولك مسلمين..!!
شوفت ناس لابسة عسكر
واقفة تحرس ناس بتسكر!!
وتانى يوم راحوا ع الإدارة
الأمر جالهم م الوزارة
والأمر إيه يا عم زينهم
يقلعوا البنات نقابهم
ومايعملوش أبداً حسابهم
واللى لابسة ربع لبس
واللى شايفة الدين فى سكة
وهيه ماشية فى سكة عكس
همه دول اللى يبقوا
بس ليهم فيها حس
شوفت ناس يا عم زينهم
شارية دنيتهم بدينهم
يا ريتنى زيك يا عم زينهم
ياريتنى أعمى وماكنت أشوفهم
الرئيسية 
