المرشح الدكتور يسري معاذ

المرشح الدكتور يسري معاذ
الدكتور يسري معاذ كم احترمك وكم انت رجل عطيم محترم ولكن لي تساؤل.
هل يصلح الدكتور يسري لأن يكون عضو ونائب عن ابناء مدينة الخارجة يدافع عن حقوقهم ويحاول تحقيق امالهم ورغباتهم؟ اعتقد العكس صحيح يا دكتور؟ والدليل على ذلك هو انك يا دكتور لم تستطع خلال الفترة الماضية ان تدافع عن حقوقك انت شخصيا؟
لقد جردوك من منصبك في رئاسة النادي فكيف ستدافع عن حقوق ابناء دائرتك وانت في امس الحاجة لمن يدافع عنك انت شخصيا.
كذلك ابعدو اخوك الدكتور مؤمن عن المحافظة ولم تدافع عنة ولم تستطيع ان تعيدة مرة اخرى الى بلدة ونحن هنا في امس الحاجة الى تخصصة. يا دكتور ماذا كنت تفعل طوال العشر سنوات التي قضيتها في مجلس الشعب الم تكون علاقات تحاول من خلالها ان تعيد الدكتور مؤمن او تحاول ان تعيد نفسك الى رئاسة النادي. كنا نتمنى ان تكون اقوى من ذلك يا دكتور لكي نثق فيك في ان تدافع عن حقوقنا

الاخت العزيزة نفرتيتى بدأت كلام حضرتك بسؤال هل يصلح الدكتور يسري لأن يكون عضو ونائب عن ابناء مدينة الخارجة يدافع عن حقوقهم ويحاول تحقيق امالهم ورغباتهم؟ اعتقد الاجابة نعم فقد شغل هذا الرجل هذا المكان عشر سنوات كان فيها خير مثال لعضو مجلس الشعب فدائماً متواجد بين الناس وفى خدمة الكبير والصغير ويذهب بنفسه الى اى جهة مع اى انسان يقصده وكفايه ان الواحد يكلم راجل فاهم مش ابتسمات وهز راس وقبلات فى الهواء والسلام ختام اما عن مشكلة النادى فانا متأكد ان الدكتور يسرى قد استقال من منصبه بسب تدخلات عديدة كان يرفضها وعندما ضاق ذرعاً قدم استقالته بدون اى ضغوط عليه واما عن مشكلة الدكتور مؤمن ونقله لان الدكتور يسرى يرى ان اخيه مظلوم بالنقل وانه يستطيع ان يسترد حقه بنفسه فلم يتدخل وهذا يحسب للرجل لا عليه وتقبلى تحياتى

يانفرتيتى أهلاً أولاً بك فى المنتدى
ثانياً عزيزتى أنت تأخذين الأمور بسطحية شديدة ومن منظور واحد ولاتدققين ولاتبحثين فى خفايا الأمور فكان يجب عليك الاستقصاء قبل أن تعطى لنفسك الحق فى التحدث فى هذا الموضوع فالناس تعلم جيداً من هو يسرى معاذ أبن الوادى وخادمه المطيع وخير من يمثله فى هذه الدورة إن شاء الله تعالى وأقرأى ماكتبه (عاشق تراب الوادى) بارك الله فيه وهذه نقطة فى خضم عطاء يسرى معاذ حفظه الله ورعاه وسدد خطاه

اقتباس :

انا عايز اسال الدكتور يسرى عمل اية للبلد خلال 10 سنوات الماضية تفيد البلد وليس مصالح شخصية

مش شايف حد بيرد على كلامى ياشباب اناعايز اعرف الدكتور الفاضل يسرى معاذ عمل اية للبلد وانا انتخبة

الدكتور يسرى افاد فلاحين الوادى ومديريين مصانع البلح كثيراوذلك بتعديل المواصفات القياسيةللبلح حيث انة كانت سابقا تؤدى الى ركودة وحبس القائمين بتسويقة وقد تم ذلك بالاشتراك مع وزارة الصحةوالزراعة والتموين والصناعةواخيرا تم حفظ قضاياالبلح في سنة1996 حيث تعرض بعض منتجى البلح للحبس وتم مخاطبة وزير العدل الذى حفظها

طبعا الكلام دة مش صح انة عمل للفلاحين اى شىء كفاية افترى حرام عليكم عاوز ياخد المنصب ياخدة من غير نفاق وحاجات متعملتش اصلا موضوع البلح ناس كتير اتكلمت فية مش يسرى اصلا يلة هى البلد شكلها حتفضل كدة من غير ما حد يدافع عنها المحافظات كلها فيها اعتراض إلا هنا والله الواحد مستغرب الغايت امتة البلد حتفضل كدة نيمة فى الوحل والطين حسبى الله ونعم الوكيل

الدكتور يسري لي تجربة خاصة معة فهو للحقيقة متعاون جدا ويحاول دائما ويفعل مايستطيع لحل مشاكل الناس

انا من راى ان الدكتور يسرى والدكتور سعد لا ينفعوا فى منصب المره ديه لانهم بينفعوا نفسهم مش لبلادهم اما الحاج عبد الحميد منصور هو ان شاء الله اللى هينجح باذن الله ان نفسى حد يجى يغير البلد مش يغير نفسه وعياله وعائلته بس

الأخت الفاضلة / هبة إذاكان هناك مرشح يخدم نفسه فالجميع على قدم المساواة و السيد الدكتور / يسري معاذ قد خدم العديد من الناس في العلاج على نفقة الدولة ، و تيسيير صرف المبالغ المنصرفة في المستشفيات الخاصة في العمليات الكبرى ،تمكين بعض مواطنين الوادي الجديد من مقابلة الوزراء ( و خاصة وزير الصحة ) لحل مشكلاتهم المستعصية ،وو جوده بصفة مستمرة بالمحافظة و الوقوف إلى جانب المواطنين في الضراء قبل السراء خير دليل على استعداده لخدمة المواطنين . وخير دليل على لك مساعدته للعديد من الناس بعيداً عن المجلس . فكيف إذا كان داخله !!

السيد الدكتور / يسري معاذ يخدم الناس جميعاًو كلك أفراد عائلة يخدمون الناس أيضاً و منهم الدكتور / مؤمن معاذ و خدماته الجليلة تذكر ، و الأدلة موجودة . أما من عنده الدليل على خدمته لنفسه و عائلته يذكره لينير لنا الطريق فنحن نبحث عن الأصلح و لا تربطنا علاقة بهذا أو ذاك

انتو بتكلمو صح انا شايف كل واحد بياخد المنصب علشان ينهب في البلد

انا محترم رايك يا انسة نور انتى والاستاذ امير بس عايز اقول ملحوظة ان ماكنش فية قبل سنة 2005 علاج على نفقة الدولة كان فى علاج على التامين فقط وبعدين بلح اية اللى بتتكلمو عنة مافيش عضوا حاول يحل مشكلة البلح ووصل لحل

وبعدين انا عايز حاجة واقعية عملها الدكتور يسرى تخدم البلد وليس اشخاص
ثانيا اية اللى استفادة المهندس سعد نجاتى من المجلس غير خدمة المواطنين ده انتوا شباب كبيرة وناضجة وتقدرو تعرفوا مين اللى خدمكم وبعدين ده عمل لنفسة مكتب خدمة للمواطن عشان يخدمكم وده حق المواطن علية
ياشباب لازم نفكر احنا مش صغيرين احنا شباب كبيرة وعندها رأى حر
اما الدكتور مؤمن معاذ انا احترمة جدا لاكن ده شغلة ودى رسالة لازم يأديها لان ربنا اللى هايحسبة مش الانتخابات

ههههههههههههههههههههههههههههههههه
الله واللهى كلام يفطس من الضحك على الردود يعنى مش على الموضوع
لان دى حاجات شخصية محدش ينفعيدخلفيها خاصة بالدكتور يسرى وباخوه

لما هو الدكتور يسرى عمل خدمات منجحش ليه فى 2005 مع العلم انه كان حزب
والحج سعد نجاتى فاز
يعنى خدم الناس دى كلها والناس سابته واذا كان ليه خدمات وقع ليه
انا محابى لسعد نجاتى ودا شرف
وانتى بتحابى لدكتور يسرى ودامن حقك
بس مش من حقك انك تختلقى اكاذيب وتقولى عمل وسوا والناس توصله فين يعنى هو كان فى موبيلات وقتها عشان يعرفوا سكته
فى العشر سنين هقعد انا ادور عليه دوخينى يا لمونه ولا ايه
وعلى فكرا المفرو مدير المنتدى يكون محايد حتى لو هو فى صف احد المرشحين لان المننتدى المفروضب يعبر عن اراء الاعضاء م شرايك انت الشخصى لانه يهمك انت مش احنا
والا زى ما قلتلك تغير اسم المنتدى على الاقل يكون اسم معبر عن اهدافه
لان اسم شباب الوادى معبر عن اهدافك الشخصية

مش شايف حد بيرد على كلامى ياشباب انا عايز اعرف الدكتور الفاضل يسرى معاذ عمل اية للبلد

اناشايفه ان الدكتور /يسرى معاذ معملش حاجه لبلده مقصر جدا لخدمه الناس لو فى حاجه عملها فى البلد واحنا مش عارفينها ممكن تقولوها ممكن نقتنع ولو حتى كان بيخدم الناس ليه انتخبوا المهندس /سعد نجاتى عشان عارفين ان هيقدم لهم المساعدات وبصراحه عمل كتير وهيعمل اكتر تحبوا اعرفكم عمل ايه
اولا:زود عقوده التربيه والتعليم واخد لحد سنه 2008 )
ثانيا:نفقه الدوله بيصرف مبلغ 5 مليون جنيه لنفقه الدول)
ثالثا:هو اللى دخل ميه نهر النيل للبلد وديه حاجه كبيره اكيد)
رابعا:توسيع الطرق من الخارجه لاسيوط لمنع الحواث اللى بتحصل)
بعد كل ده مش عايزين يكون ليه الحق انه يكون عضو مجلس الشعب المره ديه بجد كتر خيره انا على نفسى مكنتش اعرف كل اللى عمله ده بس اول ما عرفت اتشجعت انى انتخبه على طول وربنا معاها ان شاء الله

كل الحاجات الا انت بتقولى انة عمله دى تتبع الخطط الخمسية للدولة والعقود كانت على مستوى المحافظة ولو تتذكروا ان المحافظ هو الا رفض تعين احد من خارج المحافظة حتى لا تضيع الدرجات على المحافظة ودا كان طبعاً بناء على شكوى الناس ان فية ناس من خارج المحافظة جاية تستلم فى العقود وان محافظة الوادى الجديد اقل المحافظات فى عدد العقود

انا فعلا معاكى يا دينا كل اللى بتقولى يا هبة عمله
المحافظ هو اللى عمله
وثانيا انا مش شايفة انه عمل حاجة غير انه ينام ف المجلس
ويفضحنا ف كل حتة
وانا شخصيا بازر د/يسرى وربنا يكرمه

بجد بحترم رايكم يا دينا وكونان بس اكيد بجانب المحافظ المهندس /سعد نجاتى بجد فى توثيقات على العقوده اللى جبها فى الوادى الجديد وانه زود نسبه العقوده
ممكن اطلب طلب لو معاكى صور صح وهو نايم فى المجلس ياريت توريهلنا بجد نفسى اشوف صور ومهندس /سعد نايم فى المجلس

انا مش معايا دلوقتى بس هشوفلك

الاخ conan قبل ما تفترى على حد ابقى اتأكد من الكلام اللى بتقوله و بلاش تجريح فى الناس على الفاضية و المليانة
اما بالنسبة للدكتور يسرى معاذ فالراجل عمل اللى يقدر عليه و كل واحد بيحاول انه يخدم البلد بطريقته و مفيش حد يقدر ينكر ان الدكتور يسرى حاول .... لكن السؤال مين هوا الاصلح
و اللى بينكر الحاجات اللى عملها المهندس سعد يبقى انسان بيتكلم من منطق القبلية و عن عدم علم.... راجعوا الموقع الالكترونى للمهندس سعد و شوفوا جلسات المجلس و المضابط بتاعة مجلس الشعب و احنا هنعرف قد ايه هذا الرجل تعب قوى

الى الاخت conan انتى المفروض يبقى اسمك (كانون) مش كونان rendeer

انا مش من الوادي الجديد علشان اتكلم علي اي حد انا معرفش اي حد من الوادي الجديد غير معارف ليا من هناك

والله بجد يا أمير انت مش من الوادي
بس أنا حاسس انك واحد من أبناء البلد دا انت مقامك كدة كبير عندنا كدة
انك تبقى عضو معانا فعال ودخولك مستديم وكمان مش من البلد

يا جماعة خلو الكلام يبقى معقول شوية . الاخت هبة بتقول الحاج سعد جاب مية النيل في الوادي؟؟؟؟
هو فية مية نيل وصلت الوادي؟؟؟
ولا تقصدي مشروع نوشكى؟؟
لازم نعرف ان مشروع توشكى بدأ العمل فية شهر يناير سنة 1997 وتوقف العمل فية سنة 2005 والخاج سعد تولى منصب مجلس الشعب سنة 2006 . يا اخت هبة جبتي الكلام دة منين؟؟

» هجوم صريح على النائب سعد نجاتى ولا نقد على العشر شنوات الخاصة بالدكتور يسرى معاذ
» بالصور... الدكتور مؤمن معاذ "استشاري امراض القلب" يشارك في مؤتمر اثينا الطبي
» بالصور... الدكتور مؤمن معاذ "استشاري امراض القلب وعضو الجمعية الا وربية لامراض القلب" يشارك في مؤتمر اثينا الطبي
» اصابة على حامد عضو مجلس الشورى عن الوادى الجديد في مشاجرة بالاسلحة البيضاء بحي مسجد معاذ
» مسيرة شعبية لدعم المرشح الرئاسي عبد الفتاح السيسي اليوم بالوادى الجديد