النساء تهزمن ابليس ....

قصة منقولة تبين لنا ايهما الاقوى المراة ام ابليس

سيدة عجوز تتحدى ابليس

كان يا ما كان في قديم الزمان …… …
كان فيه أمراة عجوز قاعدة بروحها

وفجأة طلع لها ابليس ………
العجوز خافت وسمت بالرحمن

…قالها ابليس :أنتي يا عجوز هل تعتبرين نفسك داهيه

العجوز: نعم أنا داهيه ……….. والنساء عموما كيدهن عظيم

أبليس: أنا أتحداك……..وبنشوف مين كيده أعظم …..المرأة ولا أبليس

العجوز :خلاص أنا هعمل مشكله وأنت هتحلها واذا مقدرتش أنا هحلها

و هفوز بالرهان.

O.k :أبليس
راحت العجوز عند واحد من العواطلية اللي معندهمش شغل وما اكترهم

وقالت أنا بشغلك عندي فترة معينه بس…….
لو عايز فلوس ماتتدخلش و
متتكلمش.. وافق الشاب لأنه زهق من قاعدته من غير لا شغلة ولا مشغلة وعايز فلوس

راحت العجوز ومعاها الشاب لمحل قماش وقالت له استناني عند باب المحل

…دخلت المحل وخدت قماش غالي وقدت تفاصل مع تاجر القماش

العجوز: رخص يا بن الحلال …
التاجر :لو معكيش فلوس خدي حاجة ارخص

العجوز : مقدرش ….لازم والا مكنش حصل اللي حصل

التاجر :ليه ….. للدرجه دي …...هو ايه اللي حصل؟

العجوز:شفت الشاب اللي واقف عند باب المحل ..دا ابني
يحب وحده متزوجه وهي تحبه ولما هتتطلق من زوجها …ابني هيتزوجها

وهو قال لي لو رفضتي الجواز هطردك من البيت وأمرني أني أشتري قماش
غالي عشان يديها لحبيبته والا هيطردني من البيت مع أن البيت اصلا

بيتي بس انا غلطت وكتبته باسمه العجوز تبكي

التاجر: خلاص هونيها وتهون والله انتي صعبانة عليا ….خلاص أنا هديكي القماش

ببلاش….والأجر والثواب عند الله

العجوز: طلعت وقالت للشاب روح البيت

بعدها راحت العجوز لبيت زوجة تاجر القماش وخبطت عل الباب وطلعت الزوجة

العجوز:آه يا بنتي أنا تعبت من الطريق و مش قادرة أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز: شكرا يا بنتي إن شاء الله أردها لك (تعمدت تنسى القماش ) وطلعت.

الزوجة:حرام نست قطعة القماش …أكيد هترجع كمان شوية وتأخدها

هروح أحطها بالدولاب..

تاجر القماش رجع بيته واتغدى ونام شوي .

قام العصر وفتح الدولاب عشان يغير هدومه عشان يروح محله ……مفاجأة قطعة القماش

وعرف أن المرأة اللي عايزها ابن العجوز هي زوجته يعني بتخونه

قام عليها وضربها وطردها بالشارع بالهدوم اللي عليها. العجوز: كانت مستنية في اللحظة دي في أخر الشارع فجرت
ناحيتها

العجوز: مالك يا بنتي بتعيطي ليه؟

الزوجه : زوجي طردني …ومدنيش فرصه أتكلم .

العجوز: خلاص أنا هوديكي بيتي وأناهروح أحلك المشكلة دي

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ميطلعش منها

راحت العجوز للشرطه تبكي وتقول :كنت قاعدة في بيتي وفجأة دخل

راجل ومعاه مرأة وقعدوا في بيتي وحاولت أطلعهم ما قدرتش

(أحتلوا بيتي )

ذهبت الشرطة وقبضت على الشاب والزوجه ….وحطوهم في السجن.

العجوز: ها ها ايه رايك يا أبليس دورك انت في حل المشكله أبليس : لا لا مقدرش أحلها الموضوع اتلخبط عل الاخر

العجوز: أنا هحلها وكأن شيء لم يكن ..
و هكسب الرهان

راحت العجوز تزور الزوجه بالسجن وقالت لها :أنتي ساعدتيني مرة

وأنا دلوقتي هساعدك …..يلا ألبسي عبايتي وغطي نفسك وأطلعي من السجن كأنك أنا وأنا هفضل هنا

مكانك.

الزوجة:متشكرة أوي ….لكن أنتي

العجوز: مالكيش دعوة زي ما طلعتك هطلع نفسي.

تمت عملية الهروب بنجاح….

الوالي أمر الحراس يجيبوا المسجونين عشان يحكم عليهم

جت العجوز والشاب وقال لهم الوالي :ليه قابضين عليكم عملتو ايه

ردت العجوز:احنا معملناش حاجة احناكنا قاعدين في بيتنا أنا وابني ولاقينا الشرطه

طابه علينا وخدونا السجن .

اتنرفز الوالي وهزأ الشرطه ومدهمش فرصه يتكلمو.. ويقول: غلطانين

وعايزين تتكلمو.

طلعت العجوز من الوالي وادت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت فيتالطريق وأن زوجته أصيله وأكرمتها وهي من

كتر التعب نسيت القماش عندها وأن زوجته بريئه

وقالت له خد قماشك لأن ابني سافر هو و زوجته الجديدة.

رجع التاجر لزوجته وتأسف لها و راضاها كمان.

العجوز : ايه رايك يا أبليس أنا حليت المشكلة بمنتهي السهولة

أبليس : أنتي تكسبي ….
يمه ……… يمه أن كيدهن عظيم
هرب منها وهو خايف
ههههههههههههههههه

زائر

هرب منها وهو خايف
لازم يخاف
ممكن تطلقه من مراته هوه كمان

نايس توبيك
جامدة موت الست دى
الواحد يقلق منها

قصه حلوه اوي

» ابليس زعلاااااااااااان
» بطاقه ابليس الشخصيه
» ((كيد الرجال غلب كيد النساء))
» ((كيد الرجال غلب كيد النساء))2
» صفات النساء حسب شهر ميلادهم