أختى وحبيبتى فى الله
عاوزة أتكلم معاكى شوى
ممكن ؟؟
ها ممكن ؟؟!!
طيب خليها ممكن بقى ^_^
أنا عارفة انى هتدخل فى حاجة مش ليا فيها بس انا هتكلم معاكى من باب اننا مسلمين ولازم نخاف على بعض ..
انا عاوزة أكلمك عن حجابك الشرعى
مش هقولك ولا هربطك بزى معين ... بس عاوزة أقولك على شروطه
(1) أن يكون ساترا للبدن
(2) ألا يصف ولا يشف
(3) ألا يكون زينة فى نفسه
(4) ألا يكون معطرا
(5) أن يكون فضفاضا
(6) ألا يشبه ملابس الرجال
ممكن أسألك انتى ليه بتلبسى لبس غير شرعى ؟؟!!
انا بنت زيك وأكيد هنكون فاهمين بعض
فى أسباب أكيد غير انك ماشية على الموضة والستار ال البنات اخدينه ده
مثلا عاوزة تتزوجى ... يا حبيبتى زوجك مكتوب ليكى من قبل ميلادك يعنى بلاش تشيلى نفسك ذنوب على الفاضى
حطى فى دماغك انك من نصيب راااجل واحد ليه تتزينى لغيره ؟!!
عاوزة مثلا تبهرى الشباب بيكى طيب بالله عليكى انتى حمل انك تخدى ذنب كل شاب ينظر ليكى
انتى عارفة ان فى حاجة اسمها زنى العين !!
اتخيلى بقى بكل نظرة انتى السبب فى كدة
مثلا عاوزة تكونى قدوة ومثل لغيرك ... يااااااااااااه عاوزة تكونى مثل لغيرك بالطريقة دى !!
طيب فين قدوتك من أمهات المؤمنين
بالله عليكى أختى خليكى فخورة بدينك .. خلى عندك عزة باسلامك ..خليكى صورة مشرفة ليه
خليكى حاطة فى دماغك ان الموت مش بعيد عن أى حد
هتستنى لحد امتى !!
لحد ما يسترك كفنك !!
كفنــــــــــــــــــــــــــى !!!!!!!
أيووووة يا أختى كفنك وقبرك يا ترى هتنوريهم ولا هتضلميهم بذنوبك ..
انتى متخيلة ان ملك الموت يقبض روحك لا قدر الله وانتى بلبسك ده
ها متخيلة ؟؟!!
طيب عارفة انه يبعث على المرء على ما مات عليه
يااااااااااا ربى سلم يااااااااا ربى سلم يعنى فضيحة فى الدنيا والاخرة
هتقوليلى لما أقتنع الاول
طيب هتقتنعى بأوامر من الله ورسوله ... أواااامر يعنى لازم تتطبق أختى بلاش تكونى من أصحاب هذة الاية (أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاءُ مَنْ يَفْعَلُ ذَلِكَ مِنْكُمْ إِلا خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللَّهُ بِغَافِلٍ عَمَّا تَعْمَلُونَ (٨٥))
و هقولك انتى ضامنة الوقت ال ملك الموت ممكن يجيلك فيه
والله والله لو ضامنة أجلى لحد ما تقتنعى وأبقى توبى بعد كدة
بس انتى أكيد بتسمعى عن موت الشباب وكثرته
يعنى الموت ما بيعرف صغير ولا كبير
كم من شاب توارى تحت التراب وكان حاطط فى دماغه زيك كدة انه لسه بدرى !
الحقى استرى نفسك
الحقى توبى بقى
كلنا مليانين ذنوب وعيوب انا وانتى وهى وهو ....
بس لازم ناخد بايد ببعض ونشجع بعض وان شاء الله ننجح
وان شاء الله نكون صحبة على حوض النبى صلى الله عليه وسلم
ولا تنسونى بصالح الدعاء
أحبكـــــــــــــــــــــن فى الله
)
الرئيسية 
