ساعة لقلبك و ساعة لربك !!! صحيح الكلام دا ؟؟!!

ساعة لقلبك و ساعة لربك !!! صحيح الكلام دا ؟؟!!

كتير مننا سمعوا الجملة دي
يا عم روق!
ساعة لقلبك و ساعة لربك !
...

و كمان بيستدلوا عليها من موقف الصحابي حنظلة

كنا عند رسول الله صلى الله عليه وسلم . فوعظنا فذكر النار .

قال : ثم جئت إلى البيت فضاحكت الصبيان ولاعبت المرأة .

قال فخرجت فلقيت أبا بكر .

فذكرت ذلك له . فقال : وأنا قد فعلت مثل ما تذكر .

فلقينا رسول الله صلى الله عليه وسلم .

فقلت : يا رسول الله ! نافق حنظلة .

فقال " مه " فحدثته بالحديث .

فقال أبو بكر : وأنا قد فعلت مثل ما فعل .

فقال " يا حنظلة ! ساعة وساعة .

ولو كانت ما تكون قلوبكم كما تكون عند الذكر ، لصافحتكم الملائكة ، حتى تسلم عليكم في الطرق "



الشاهد هنا قول رسول الله صلى الله عليه وسلم

ساعة و ساعة

مع ان حنظلة معاملش حاجة غلط

انه داعب أولاده

أو أهل بيته

لكن المعنى اللي الناس فاهماه من الحديث دا غلط و هنوضحه دلوقتي ان شاء الله



سمعتوا الآية دي قبل كدا ؟؟

كَلَّا لَوْ تَعْلَمُونَ عِلْمَ الْيَقِينِ ﴿التكاثر: ٥﴾


طيب و الآية دي ؟؟

إِنَّ هَـٰذَا لَهُوَ حَقُّ الْيَقِينِ ﴿الواقعة: ٩٥﴾

طيب و الآية دي ؟؟

ثُمَّ لَتَرَوُنَّهَا عَيْنَ الْيَقِينِ ﴿التكاثر: ٧﴾

هو ايه الفرق بين علم اليقين و حق اليقين و عين اليقين ؟؟



يعني ايه يقين ؟؟

اليقين يعني ما يكونش في قلبك أي نسبة تكذيب أو شك أو ظن

يعني يكون قلبك مصدق بنسبة 100 %

و دي مش حاجة خيارية

انت كمسلم يجب أن تكون مصدق لأمر الله كله

و التصديق بيتبعه فعل

يعني مثلا ربنا أخبرك ان فيه ملائكة و جنة و نار

انت كمسلم تصدق ذلك حتى اذا ماشفتش

و طالما صدقت يبقى هتشتغل للجنة و النجاة من النار

طيب ايه مراتب اليقين دي ؟

في 3 مراتب

أولها علم اليقين و دا اللي احنا قولنا عليه من شوية و دا لازم يكون في قلب كل مسلم

التانية عين اليقين

و هو من كتر تصديقك للأمر أصبحت كأنك تراه

كما قال تعالى :

كَلَّا لَوْ تَعْلَمُونَ عِلْمَ الْيَقِينِ ﴿٥﴾ لَتَرَوُنَّ الْجَحِيمَ ﴿٦﴾ ثُمَّ لَتَرَوُنَّهَا عَيْنَ الْيَقِينِ ﴿٧﴾


يعني كأنك تراها بعينك

المرتبة الثالثة و هي حق اليقين و هي أعظم مراتب اليقين

زي مثلا خبر الله لنا بالجنة ووصفها فتصدق كأنك فيها و كأنك تراها و كأنها حقيقة أمام عينك

ايه علاقة الكلام دا بحديث ساعة و ساعة




النبي صلى الله عليه وسلم قال لحنظلة في آخر الحديث

ان اذا كان فضل عندهم اليقين اللي بيبقى عندهم وقت مجالس الذكر طول الوقت لصافحتهم الملائكة لأنهم هيكونوا وصلوا لمنزلة حق اليقين (طول) الوقت

و لكن المسلم يتقلب بين منازل اليقين

فمع أهله يكون في منزلة علم اليقين

و في عمله عشان ينتج يكون في منزلة علم اليقين و هكذا

و دا مش معناه انه ينزل من مرتبة اليقين للشك أو الظن

أبدا المسلم متيقن بخبر الله و أمر الله له

طيب المفهوم اللي الناس فاهماه بتاع

ساعة لقلبك يبقى نصاحب بنات و نسمع أغاني

و ساعة لربك نصلي الفرض و نصوم رمضان

دا طبعا مالوش علاقة بالحديث نهائي

لأنك اذا كنت على يقين فعلا اللي بيتضمن انك طائع عابد لله حتى في أوقات العمل و مع أهل بيتك أو حتى أوقات فراغك و قضاءك للمباحات ماكنتش عصيت ربنا أبدا

يا رب نكون وصلنا الفكرة صح

نسأل الله أن يرزقنا حق اليقين به