محكمة الحب والرومانسية

تذكير بمساهمة فاتح الموضوع :

الحب والرومانسيه كلنا طبعا عارفنهم كويس بس احنا بقا عملنا المحكمه عشان نعرف الحب والرومانسيه عن كل وحد فينا

فكره الموضوع ان كل مره هنستضيف عضو معانا فى المنتدى وهيدخل معانا فى المحكمه وهيبقا فى قفص الغرام وتتم المحكمه

وعلى الجميع الالتزام بكل قواعد المحكمه الحكم هيكون عادل باْذن الله وياريت يكون الاجابه صادقه

احنا عاملين المحكمه عشان كل وحد فينا يقف قدام نفسه مره وحده بقلبه وياريت اللى يدخل المحكمه يكون عقله بعيد عن رده

قواعد المحكمه

1- الاجابه عن جميع الاسئله بكل صراحه..........

2- تكون صادق

3- لاتحاول ان تبعد عن مضمون الموضوع

ياريت الفكرة تعجبكم و عايزين نتفاعل مع بعض

منقوووووووووووووووووووووووول

26- فرق السن في الحب بيمثلك مشكلة يعني ممكن تحبي شخص اصغر منك بسنة او سنتين او اكبر منك بكتير ؟
لا اصغر منى مش ممكن
اما ممكن يكون اكبر ويفضل عشان يكون ناضج كده ومتفاهم ومش عيل هههههههههههههه

27- تجارب الحب الكتيرة صح و لا غلط كثرة الارتباطات يعني في وجهة نظرك ؟
لا طبعا مش حلوة ولا للبنات وكمان الشباب
زى ماقال محمود محدش يرضى يتجوز واحدة كل ما حد يشوفها يقول مش دى اللى كانت تعرف فلان وعلان وهتقارن بين جوزها وبين اللى كانت تعرفهم اللى هم كانوا فاضين مش شالين مسئوليه بيت وعيلة ووواخدين بالهم جدااااامن مظهرهم وحاطين جل ف شعرهم وبين جوزها اللى طالع عينه وشايل مسئوليه البيت والاسرة ومش فاضى
اما الشباب فبعد ما يتجوز هيبدأ يقارن بين مراته وبين البنات اللى كان يعرفها واللى كانت بتجيي تقابله وهى ع شعرة اللبس والمكياج واخدة بالها من نفسها جداااااااا ومراته ياعينى اللى طالع عينيها وعنين اللى خلفوها ف شغل البيت والعيال ومش فاضية
ويبدأو يتلككوا وتحصل الخناقات والمشاكل
موضوع تعبير ههههههههههههههههههه

28- لو اتقدملك اتنين مع بعض و منهم واحد قريبك ابن خالتك مثلا و التاني اخو صاحبتك هتعملي ايه ؟ و لو جات انتيمتك قالتلك يافراشة اخويا بيحبك و عايز يتعرف عليكي هتعملي ايه ؟
معنديش قرايب اكبر منى مش متجوزين وانا مش بحب جواز القرايب اصلا
ممكن ليه لا بس لو هو ناويها جد مش لعب ممكن اتعرف عليه واعرفه اكتر

29- الثقة في الحب لازم تكون موجودة و لا لازم يبقي في حذر ؟
مش عارفة المفروض انه حبيبى وانا استأمنه ع نفسى وع كل حاجة
بس برضه الثقة مطلوبة ولازم اخلى عينى ف وسط راسى

30- واحد متعرفيهوش شخصيا و جه وقف قدامك مرة واحدة و قالك يا فراشة انا بحبك هتعملي ايه ؟
هو وظروفه هههههههههههههههههههههه
معرفش هقول ايه ممكن اتسحر بيه واوافق ههههههههههههههه
هو وظروفه

31- ممكن تجوزي جواز صالونات و لا لازم قصة حب ؟
ممكن عادى مش لازم قصة حب عنيفة وحاجات الافلام ديه ممكن نكتفى بالقبول ف الاول لكن انا واثقة من انه اما يعرفنى اكيد هيحبنى
ثقة ههههههههههههههههههههههههههه

32- بلاش جواز صالونات لو مش عايزة ممكن تجوزي عن طريق اختيار باباكي و مامتك و لا دماغك جزمة قديمة بردو و لازم يبقي اختيارك انتي ؟
هو فعلا دماغى جذمة قديمة وزى ما قلت القبول ممكن يكون واحد عاجب ماما وشايفة انه مناسب ولكن انا مش طايقه وده حصل ف الواقع وعارف الزن والاصرار حاجة تخنق والحمدلله اتجوز وخلصت منه
هههههههههههههههههههههههههههههه

33- اكتر حاجة ممكن تحرك قلبك و تخليكي تتشدي للانسان اللي قدامك ؟
شخصيته كده عارف الناس اللى الكل يحب يلقده ويحب يقعد معاه – وقاره تحس انه اكبر من سنه - خفة الدم – اجتماعى

34- ايه اللي ممكن يعمله حبيبك و يزعلك ؟
انه يخلينى اعيط او يسفه من مشاعرى وافكارى وميسمعنيش او ميخدش رأيي ف حاجه تهمنا

35- انتي شايفة انك تقدري تتحملي مسؤلية بيت و عيال و كده و لا حمل كبير عليكي ؟
احيانا بحس انى لو شلته لوحدى من غير ماهو يشاركنى فيه طبعا هيكون تقيل جدااااااااااااااااااا
بس لو هو شاله معايا طبعا هيكون حمل خفيف

36- عايزة تتجوزي و انتي عندك كام سنة ؟ يعني تفتحي بيت بدري و تقعدي تربي العيال و لا تعيشي حياتك احسن ؟
اعتقد سنى مناسب دلوقتى

38- الخيانة كلمة كبيرة بتمثلك ايه ؟ و اتحطيتي فيها و لا لا ؟
اوحش حاجة ف الدنيا
والحمدلله متحطتش فيها

39- انتي متسامحة في الحب و لا لا ؟
متسامحة جدااااااااااااااااااااااااااااا

40- ايه اكتر حاجة متسامحيش فيها ؟
الخيانة والكدب

41 - ايه اكتر موقف محزن اتحطيتي فيه ؟
اما شيلت مادة وانا ف سنة اولى كليه

42 - ايه اكتر موقف فرحتي فيه من قلبك ؟
اما اشتغلت

43- ايه اكتر موقف اتمنيتي فيه الارض تتشق و تبلعك ؟
عريس اتقدم لاختى ورفضته اتقدم لى انا بلاها نادية خد سوسو هههههههههه دا كنت عايزة الارض تنشق وتبلعنى م الخنقة
اما بالنسبة للكسوف كنت واقفة مع مدرس معايا ف المدرسة بس علاقتى بيه كويسة جدا وبعدين شعرى اتفك تحت الطرحة وبان منها معرفتش اعمل ايه ووشى احمر وف الاخر وانا ماشية هو واقف ولو لفيت يشوف شعرى قلت له ادخل يالا المعمل بينادو عليك وانا نازلة والحمدلله دخل وانا جريت واتسترت

44- ايه الشروط اللي هتشترطيها علي شريك حياتك قبل الجواز ؟
انه يكون صريح – اجتماعى – يستحملنى اما اكون متنرفزة لانى ببقى وحشة جدااااااا – ومفيش اطفال غير بعد سنة ع الاقل ويمكن اكتر

45- هقولك علي حاجات و تقولي تهديها لمين
- وردة حمراء
لحبيبى اما اشوف وشه

- وردة بيضاء
اصحابى وكل الاعضاء اللى ع المنتدى مش عايزة اقول اسماء عشان منساش حد

- كلمة احبك
لحبيبى لاهلى لاصحابى

- كلمة اكرهك
الحزن

- انساني
التشاؤم

- ابعد عني
الاكتئاب وانا بأكل شيكولاته عشان اخنقه زى ما هو خانقنى هههههههههههه

- ارجوك ارجعلي
الصبر

- حرام عليك
اللى مش بيحب القطط

46- هتعملي ايه لو حبيبك قالك انا مبقتش حاسس بحاجة من ناحيتك ؟
هقوله مع السلامة والقلب دعيلك بس بعد ما اعرف ايه السبب
بس بينى وبينكوا همووووووت من الغيظ وطبعا هعيط بس مش عليه هعيط عشان هتصعب عليا نفسى لانى زى ما قلت لكم (لايوجد من يستحق دموعك فمن يستحقها لن يجعلك تبكى ابدا)

47- لو جوزك المستقبلي قالك بعد ما اتدبيتي و اجوزتيه قالك مش عايزك تشتغلي هتعملي ايه ؟
لا طبعا هو واخدنى وانا بشتغل اصلا يخبط دماغه ف الحيط هههههههه
الست اللى بتشتغل بتستفيد خبرات تنفع بيها نفسها وجوزها واولادها وتفكيرها بيختلف عن غيرها وبتطلع وتشوف الدنيا بيحصل فيها ايه
وعندها حاجات تشغل بالها غير النكد ع جوزها وعيالها ههههههههههههههههههه

48- حطي اسمين من اسامي البنات و اسامي الولاد اللي عايزة تسميهم ؟
آياد – زياد – آسر
رودينة – لُجين – رواء – بُهيسة

49 - ليه مكنتيش عايزة تدخلي المحكمة بتاعتنا ؟
عشان انا القاضى ولازم اكون غامض بالنسبة لكم ههههههههههههههه

50 - طلب تطلبيه من المحكمة قبل الحكم عليكي ؟
اطالب عدالة المحكمة بتوقيع اقصى عقوبة ع المتهم ايه ده انا حافظة ولا ايه دا انا المتهم

اطالب عدالة المحكمة تأخذ بعين الرافة انى لسة محققتش احلامى
اهه اهه اهه اهه اهه اهه اهه اهه
بررررررررررررررررررئ

أكيـــــد المحكمــــــة هتكـــون حنينــه عليكـى يا فراشـــهـ
وربنا يحققلك كل أحلامكـ

يالا يا جماعة القاضى اللى هيحكم فين انا من زمان وانا ف القفص

بسرعة عشان المكان هنا ريحته وحشة ع الاخر
وبعدين فيه براغيت وحشرات
هههههههههههههههههههههه

هههههههههههههههههههه
بجد والله ريحته وحشة ومليان براغيت وعايزاني أدخل قيه يافراشة
حرام عليكي
أنا مش عارف مش اللي هايحكم محمود ولا أيه شكله كدة بيحضر حكم
لو عايزة حكمي الشخصي قولي

يا سلام ....... وانا اطول قاضى زيك سمعنى حكمك

بس خليك حونين وانا هبعتلك السحور حاجة كده ايه محترمة
بس ده بينى وبينك هههههههههههههههههههههه

أوك يافراشة هاقرا الموضوع كده تاني علشان أحكم عليكي

ماشى وانا مستنية حكمك
وبالنسبة للسحور ابعته ولا هتقولى نزاهة القاضى والحاجات ديه
هههههههههههههههههههههههههه

بعد سماع أقوال المتهمة والمرافعات ترى المحكمة المتهمة فراشة الوادي أنها :
أولا غامضة بعض الشيئ وحريصة في كلامك لدرجة انك مقلتيش اسمك الحقيقي وكلامك موزون شوية دا بحكم انك أداب علم نفس
مع ان مع احترامي ليكي بكرهه كره العمى لأنه معايا في البيت علطول ووالدي موجه علم نفس
ما علينا وترى المحكمة أيضاً انك الحمدلله ملتزمة دينياً ودا يمكن يخفف الحكم شوية
شخصية اجتماعية مع أنه عندك ميل للانطوائية شوية وكتومة مخبية حاجات جواكي
بتزعلي بسرعة ودا سبب رئيسي لعدم التفاؤل وبتحسي ان الدنيا قفلت في وشك بدون ما تخلقيلها أعذار
على قد كدة رومانسية جدا وبتقدسي الحب والحياة الزوجية كويس وانشالله تريحي وزوجك اللي بالمواصفات المطلوبة
حكيمة في تصرفاتك وأقوالك

وعليه حكمت المحكمة حضورياً على المتهمة بالنفي سنة في أحدي جزر المحيط الجميلة البعيدة دعوة للتأمل والتفاؤل
وربنا ينول مرادك يافراشة ويوفقك في حياتك المهنية
ويارب يطلع حكمي حلو كدة

ههههههههه

واللهى يا بختك ان الباش مهندش حكم عليكى

ده ولا فى الأحلام يا اخواتى

ده موش حسد واللهى.....ده انا بس باقر عليكى
ههههههههههه

هو من ناحية رومانسية الفراشة فهي رومانسسسسسسسسسسية اوي اوي اوي بل حكيمة جدا جدا وعاقلة ومثقفة ومتجددة

وطموحة جدا جدا جدا ومش اي واحد يناسبها الا اذا كان بنفس مواصفتها وربنا يوفقها في حياتها العاطفية والعملية

ربنا يخليكى ليا يا كروان بجد كلامك ده شهادة اعتز بيها

ونورتى المحكمة

اما بالنسبة لحكمك جميل اوى يا ريت اتنفى قد 10 15 سنى ف جزيرة بس مكنش لوحدى ههههههههههههههههههه
انا فعلا اجتماعية جدا وبحب الناس خالص بس لو كنت مدايقة من حاجة بحب اكون لوحدى عشان بكون وحشة خالص ومش بحب اتكلم اصلا عن اى حاجة مديقانى لانى مقتنعة بان الشكوى لغير الله مزلة
بس انا مش كتومة وكل اللى يعرفنى يعرف انى كتاب مفتوح
واسمى الحقيقى نها معناه (العقل )والحكمة اللى انت بتقول عليها ده من اسمى مش كل واحد له نصيب من اسمه
ووالدك ده راجل بجد زى العسل ربنا يخليهولك

وادينى مستنية حكم الباقين محمود وكونان وcute والدلوعة
وبعدين يجيى دورك يا باشا

عاشت الأسامي يانها وربنا يستر من المحكمة دي

اعتقد انك يا فراشة عارفة حكمى ودة طبعا بحكم اننا مع بعض ع طول
ههههههههههههههههه

بس احب اقول لاعضاء المنتدى انك بتبقى وحشة اوووووووى وانتى متضايقة وكمان ساعات بتتعصبى من حاجات هبلة وبطلعى زعلك ع اى حد حتى لو ملوش علاقة بالزعل اللى انتى فيه .

وهى كمان مش متفائلة زى ما انت قولت يا باش مهندس
وشايفة الدنيا بسم الله ماشاء اسود ف اسود
ههههههههههه

وف الاخر احب اقول دة رايى واللى انا شيفاه وممكن يكون غلط عادى جدا

يا فراشه يا قمر
انتى فعلا بنت رومانسيه جدا و حكيمه و عاقله

وربنا يوفقك ف حياتك و ف شغلك

و الجزيره اللى اتنفيتى فيها يااااااا رب يكونو معاكى كل اللى بتحبيهم
اكيد ساعتها مش هيكون منفى
هيكون احلى مكان ف الدنيا

و عاوزين نعرف الدور على مين بعد كده بسرررررررررررررررررعه

شكرا يا cute سابقا
وحتشبسوت حاليا
نورتى المحكمة
واللى عليه الدور هو الباش مهندس
اتفضل جدامى ع القفص يا متهم
وحضرك لك الاسئلة
وعشان تعرفوا انى قاضى حونين وقلبى رهيف هنقلل عدد الاسئلة

انا جاهز للأسئلة ربنا يسترها انشالله
اه ويارايت فعلا تقللي عدد الاسئلة لأن ممكن لحد ما أجحاوب عليكم يكون العيد جه

يا ترى الدور على ميييييييييييييييييييييييييييييييييييييييييييييييييين؟؟

حلوه اووووووووى الاسئله والدلوعه صريحه يلا فى انتظار متهمه نانى

انتو ليه وقفتو وما كملتوش الموضوع

مش كان المفروض كل ما يخلص واحد تختارو واحد

اه صح فعلا

وفى مواضيع تانيه كمان حصل فيها نفس النظام ده

يللا كملو

بصراحه شوقتووووووونى

آه صحيح ..هوة الدور كان على الباش مهندس

بس المشكلة إن الفراشة مش بتدخل كتير

طيب الحمدلله انها مش بتدخل كثييير

تؤجل محاكمتي الى أجل غير مسمى

يعن لو مش بتدخل ممكن حد غيرها يمسك الموضوع
بدل منها ايه رايكم

فعلا يا بومبو عندك حق

بس يا ترى مين اللى هيتولى الموضوع غير الفراشة

ايه اخباركو يا شباب
وحشتونى جدااااااااااااااااااااا
انا ارشح بومبو هو اللى يمسك الموضوع لانى فعلا مقصرة فيه بس ده بسبب الزهق والانشغال وشوية حاجات كده

» سلسلة أروع ما قيل في ((الحب والرومانسية))
» ما هو الحب ..ما هي مقومات الحب ...ما هي اركانه ....ما هي شروطه
» إحالة «متهم سمالوط» إلى محكمة أمن الدولة العليا طوارئ
» اقتحام محكمة "الخارجة" ومحاولة الاعتداء على رئيس المحكمة
» النائب العام يأمر بإحالة مصطفى بكري إلى «محكمة الجنايات