ده عبط لية ياكينج بتضيف ناس انا مش حاططها وتشيل ناس تانية

مع كامل الاحترام ليك يا king
بس مش ف لجنة الانتخابات يا استاذ max
وكل واحد يعبر براحته ف صندوق الانتخابات
ويختار اللى هو شايفه مناسب

والله مش وحش يافراشة ان نعرف من خلال المنتدي قائمة المرشحين

ونسأل عنهم وان نكون متواصلين باخبار الوادي لان ده هدف النتدي

وياريت يا استاذ max ان تعرفنا عل المرشحين اكثر من حيث المستوي التعليمي

والوظيف التي يشغلها

وشكرا يا king علي الاضافة لقائمة المرشحين

ارجو التوفيق للاصلح

مش كلنا هنتفق علي حاجة ولا كلنا هنختلف علي حاجة
بس الاهم اننا نكون كويسين مع بعض لاننا شباب زي بعض وولاد بلد واحده
اللي يقدر يفيد التاني تمام واللي ميئدرش يتفرج
يعني بالبلدي فليقل خيرا او ليصمت
تمام ياجدعان
ثم بعد كده احنا هنخاف لية سواء عند صندوق الاقتراع او بعيد عنة كل واحد واقتناعة
انا عن نفسي وبكل صراحة هختار الاصلح واللي برنامجة افضل
بلاش نتعصب ونتخار عشان ابن عمي وابن خالي
الاصلح

زائر

ع فكره انت ببتكلم كلام غريب
حاول تتكتب باسلوب اوضح
عشان انت بتدخل المواضيع فى بعض

موضوع: max بيلف ويدور الإثنين يوليو 05, 2010 12:14 pm

على فكرة max في دماغة حاجة بس هو بيلف ويدور ياريت يكون واضح شوية ويقول اللي في دماغة

مسا الفل علي احلي شباب
شباب منتدي الوادي الجديد
وتحية خاصة خاصة جدا لنجم المنتدي ده king
لا والله لا بلف ولا بدور مش عارف ليه كل الاعضاء مش هاضمني لية مع اني حاسس انك اكبر دماغ هنا ف المنتدي ده جبت الاحساس ده منين
عندي ملحوظة صغيرة لو صح ياريت كل الاعضاء يقلولي صح ولو غلط عرفوني
الظاهر انكم كلكم جروب مع بعض عارفين بعضيكو وتم التصميم ومشاركاتكم مع بعض
انا بالصدفة البحتة لئيت المنتدي وفرحت لما لئيت حاجة زي كده وياريت لو حد زعلان مني يعرف

ني

زائر

انت اكبر دماغ فينا
اقولك ع حاجه يا كابتن
شوفلك منتدى تانى يكون فيه ناس دماغها كبيره
وفكك بقه مننا يا عمنا
اصل انت بجد ..........................

[center]
بصراحة ياستاذmax انت غلطان غلط شنيع بالصور البشعة دى

احنا زي ماقلت ولاد بلد واحدة وبلاش الصورة السيئةدي بين بعضينا

اولا انت من الاول دخلت مدخل خطأ عندما قلت في الاستفتاء واللي ميعرفش يقعد ساكت هو /ده اسلوب ناس متعلمين 00000ابدا

اذا كان محمود لم يفهم قصدك في الكلام وافتكر انك بتقول علي نفسك انك اكبر دماغ في المنتدي فهذا قصد خاطيء وعلشان تكون عضو فعال وحلو معانا

فأهلا بك وبدون كلام جارح وصور مسيئه للعضو وللا عضاء جميعا ومش عايزين خلاف

ونحب نكون اصحاب ونرقي بهذا المنتدي لنتشرف به بما اننا من ابناء الوادي

وفي النهاية اهلا بك مة آخري

خلينا اخوات اصحاب بلد واحدة مصلحة بلدنا اهم من اي مهاترات انا استأذنك في مسح مشاركات الصور بتاعتك لأنها لاتليق. على فكرة احنا مش جروب ولا حاجة بس ابناء بلد واحدة ودة اهم

احنا مانعرفش عنهم غير اساميهم ياريت
شوية معلومات عنهم واناعارف ان دماغك كبيرة
" شفت الراس الكبيرة" ههههههههههه
تحياتي

السلام عليكم الاول
انا احب اصحح موضوع مهم اني مش قلت علي نفسي اكبر دماغ ولا حاجة انا بقول اكبر دماغ في المنتدي هو king بصراحة انا معرفوش بس واضح من اسلوبة فعلا دماغ عالية مش انا
ثانيا انتو شايفين اللي حصل هو بيتكلم بأسلوب عنجهي كبير علية اوي ع الاقل يحترم النسر هههههههههه
انا كلمتو قدام الكل وقلتلو يكون احسن من كده واحنا بلاد بلد والمنتدي متابع واكيد عارفين كل الل قلتو هو مزودها وطلبت من الاشراف التدخل واللي هيحكمو بية يمشي عليائبل اي حد
وملحوظة اخيرة ياخوانا هو ممكن يكون زعلان عشان كشفتة انه عندو اتنين نيم او userفبالمنتدي والاشراف لو مش مصدق يتابع بالبسوردات
علي فيكرة معلوماتي علي ئدها شوية في النت والشبكات وتصميم المواقع بس شوف الموضوع ده وهتلاحظ كتير
اسف للاعضاء اللي ضايقهم منظر الصور بس هو استفزني

لا اسف ولاحاجة احنا اخوات ونشكرك جدا جدا علي امدادك لنا بمعومات

ومشكلات مهمة في بلدنا نرجو منك المزيد

اهلا ياشباب الموضوع جميل مش وحش لكن علشان يكون هادف وعادل لازم نعمل شوية مجهود ونعرف المرشحين وده سهل قوى من اليفط اللى فى الشارع ونسال عنهم وممكن نجيب السير الذاتيه لهم وممكن نتحاور معهم ونعرف ارائهم وعلى الهواء كمان مش كده وله ايه بس من غير منغلط فى حد وكمان الحكم على المرشح من خلال العمال اللى بتهيص وله السلام على الناس فى الجامع والمستشفى والقهوه وله حتى الكافيه نت مش حقيقى المهم احنا عاوزين ايه من المرشح بتاعنا لان كل المرشحين بيعملوا كل الحاجات اللى قلتها من سلامات وحضور جنازات وافراح وغيره المهم خدمة البلد قبل الناس والتواجد فى وسط الناس باستمرار يعنى لما الواحد يكون عنده مشكله يلاقى المرشح اللى ممكن يساعده على حل مشكلته او يوجه لطريقة حلها وعلى فكره احنا خايفين من ايه تعلوا نستفتى كلنا ولا نخاف من حاجه ونعتبر نفسنا ورا الستاره وتعالوا نستعمل اسماء مستعاره وليكن

يا استاذى
ياريت لما تتكلم عن لسان أهل الوادى الجديد ميكونش على لسان أحد المرشحين على حساب آخر............... لماذا؟
اولاً: يوجد عدد من المرشحين الآخرين .... مش دول وبس
ثانياً : لما تتكلم خليك محايد يااااااااااااااا
شكراً

[b]طبعا جميل جدا أن يكون هناك منتدي بإسم شباب الوادي الجديد وهذا ليعبر كل شاب وفتاة عن رأيه بكل حرية وأتمني أن كل شخص يعبر عن رأيه يكون بأسلوب راقي جدا وأن يكون بدون أدني إساءة أو تجريح في أي أحد ويكون أي نقد لأي شخص أو أي فعل نقدا بناءاً . عموما حي لا أطيل هذا الإستفتاء الخاص بالمرشحين لمجلس الشعب هذا شيء جميل جدا ولكن أخي الفاضل لم تضع في قائمة المرشخين غير المرشحين من مركز الخارجة فقط ولكنك نسيت أن هناك مركز الداخلة ومركز بلاط ومركز الفرافرة ومركز باريس ولعلمك أن عدد المرشحين بمركز الداخلة والفرافرة وبلاط والقائمين بعملية دعاية لأنفسهم وصلوا حتي تاريخة 30 ( ثلاثون ) مرشح من الرجال وعدد 10 ( عشرة ) سيدات لماذا لا تضع قائمة أستفتاء للمرشحين عن مركز الداخلة أيضا ؟؟؟؟؟ ولا مركز الداخلة ليس يتبع محافظة الوادي الجديد ؟؟؟؟؟[/b]
[b]وشكرا .........[/b]

اهلا بكم اخوانى الاعزاءانا ضيف جديد عليكم ومعذرة اذا كنت اقحمت نفسى بينكم من غير تعارف
بس ممكن انا اكون اكبر واحد فيكم سنا فقط
وبحكم سنى شايف ان اسلوبكم فى التعامل والحوار مع بعض لا يليق بنا كابناء بلد واحدة
على فكرة احنا اكتر ناس بنحب بلدنا وننتمى اليها
بس يريت نجمع اكبر قدر من المعلومات عن المرشحين ونصنفهم عمال وفلاحين وغيره
وممكن كمان نتفق على مين ال يصلح من غير مجاملات او على الاقل مين احسن الوحشين لان فى النهايه كلها بتكون مصالح شخصية وسيبك من البرامج والشعارات
يريت نعرف باقى الاعضاء وتصنيفهم وبعدين نتكلم
وفى النهايه احنا حبايب ولازم نتسم بالاحترام المتبادل

موضوع: كلام كبير الأحد أغسطس 22, 2010 4:22 pm

زهرة اللوتس. كتب:: اهلا ياشباب الموضوع جميل مش وحش لكن علشان يكون هادف وعادل لازم نعمل شوية مجهود ونعرف المرشحين وده سهل قوى من اليفط اللى فى الشارع ونسال عنهم وممكن نجيب السير الذاتيه لهم وممكن نتحاور معهم ونعرف ارائهم وعلى الهواء كمان مش كده وله ايه بس من غير منغلط فى حد وكمان الحكم على المرشح من خلال العمال اللى بتهيص وله السلام على الناس فى الجامع والمستشفى والقهوه وله حتى الكافيه نت مش حقيقى المهم احنا عاوزين ايه من المرشح بتاعنا لان كل المرشحين بيعملوا كل الحاجات اللى قلتها من سلامات وحضور جنازات وافراح وغيره المهم خدمة البلد قبل الناس والتواجد فى وسط الناس باستمرار يعنى لما الواحد يكون عنده مشكله يلاقى المرشح اللى ممكن يساعده على حل مشكلته او يوجه لطريقة حلها وعلى فكره احنا خايفين من ايه تعلوا نستفتى كلنا ولا نخاف من حاجه ونعتبر نفسنا ورا الستاره وتعالوا نستعمل اسماء مستعاره وليكن

كلام كبير وممتاز يازهره ياريت حد يتبرع ويعملنا مناظره مكتوبه بين السيره الذاتيه للمرشحين وبدون تجريح طبعا ونعرف كل واحد ايه اخباره وظروفه على الاقل نعرفه اكتر مع تمنياتى للجميع بالتوفيق

بدء الاستاذ الاعلامي علي بية عبد المعطي حملتة بتوزيع ورقة مصورة تبدئ بحديث شيريف وبعدا مصائب للسيد النائب المنتظر ابن البلد اللي حاسس بمشاكلها
بدء اليوم الاحد الموافق 22/8/2010 وعلي ابواب الجوامع بتوذيع ورقة دعاية انتخابية للسيد علي عبد المعطي فئات يطرح فيها امكانياتة وقدراتة
واليكم مقتطفات من نص الورقة
ويدعمني مجموعة من العلاقات الطيبة مع عدد من المسئولين والقيادات اضافة الي عملي الاعلامي بالاذاعة المحلية وقناه دريم والصحافة حيث سأعمل باحدي الصحف الكبري قريبا ...........
ومن فقره قضايا تشغلني
البطالة مياه الري تسويق البلح قري الصعيد تمليك اراضي الصندوق مشاكل التراخيص المدن الجامعية ....... والمواصلات
وكتيير الورقة مليانة لكن انا جبتلك اقوي الكلام
اولا ياسيادع الاعلامي حضرتك لما تنجح في مجلس الشعب هتشتغل بردو في الصحيفة الكبري دي
هتبقا فاضي تكتب ولا تحل مشاكل الناس
وافهم من عبارتك ان المسئولين دول مديري ووكلاء الوزارات في المحافظة ولا اية
اللي بيحل الناس الكبيرة الوزرة واصحاب القرار يااعلامي ياكبير
اية فقرة قري الصعيد حتي وانت نائب مش ئادر تتقمص الدور ويكون عندك ولاء ان نائب لمركز في محافظة بردو قرص الصعيد علي وزن برنانج نبض الصعيد ههههههههههههههه
وبالنسبة لموضوع التراخيص طبعا علاقاتك كانت حلوة عشان كنت مظبط احمد بية زغلول مدير ادارة المرور وتجيبة في برامجك بالاذاعة المحلية اللي محدش بيسمعها غي الغلابة مواطنين الوادي الجديد لما كان الدش غالي والتلفزيون مش في كل بيت كنت تقعد في الساحة وتجيب رخص الناس المسحوبة ولكن بعد ممشي احمد زغلول النائب مش بالرخص ياعلامي ياكبير
وفي محافظتنا مشكلة مواصلات ولا انت ناقل نقل الكلام من مشاكل الصعيد والمحافظات ولا زي مقال واحد من ضمن المرشحين عماد سعد حافظ اني لو بقيت عضو مجلس شعب هعمل كبري علوي من اول الشعلة لحد الزهور ههههههههههههه عشان مشكلة المواصلات
ارحمنا ياخي انتو بتتعاملو مع ناس بتعرف تقرا وتكتب بتتعامل مع عقول شباب النهارده موجود علي الياهو واليوتيوب والفيس بوك
الوضع اختلف ياعم علي وياريت تخلي بالك احنا مش ناسيلك انك لما نزلت معبترش البلد دي في حاجة اللي عاوز يبئا نائب مش شرط يركب الكرسي والله يرحكمك ياحاج اسماعيل معاذ
نصيحة اخيرة موجهه الي شباب بلدنا الواعي المدرك رب العزة كرمنا عن سائر خلقة بالعقل فليجلس كل منا ويقارن ويفاضل ولا تأخذه العصبية القبلية ولا القرابة ويارن بين متم قولة وفعلة ومن يقول للناس وهو غير مطالب بهذا لا يحاسب الناس " الكبار "
بكشــــــــــــف حساب
ولاول مرة مكتب لخدمة الســــــــــــــاده المواطنين لا بيت
ولا مسطبة ولا قهوة
ارحمونا من الشعارات والهتاف بكذب

يا ريت يا أستاذ ماكس ماتغلطش في حد من المرشحين خاصة الاستاذ علي عيد المعطي لأن بصراحة انا اعرفة عن قرب وعارف هو بيعمل اية من اجل ابناء بلدة وعايز تحاسب حد المفروض نحاسب العضو اللي احنا انتخبناة ومعملش حاجة مش نحاسب واح احنا ما انتخبنهوش ولم يصبح عضو هو على عبد المعطي عضو؟ اما يبقى عضو مجلس شعب نحاسبة مش نسيب العضو اللي ليس لة وظيفة غير قضاء مصالح بلدة

ازيك ياكينج
باين عليك مئرتش الورقة واحنا متفئين كلنا يعني كل اللي في المنتدي يتكلم ويقول رئيية من غير غلط انا مغلطتش دي تعليقات انسان بسيط علي ورقة دعاية انتخابية
لما يكون في تفرقة بين الناس وبعضيها بكلمة قري الصعيد
يعني اية قري الصعيد عشان اللي فيها صعايده
حتي لو دول اهل الوادي الجديد وبقوا خلاص من اهل الوادي الجديد
ولو كنت ئريت كنت شفت الحديث اللي في اول الورقة بيقول بالمعني المستخبي في بطن الشاعر انا افضل واحد لا في قبلي ولا هيبئا في بعدي
اقراها وقولي رئيك وبعد كده هناقشك في كلمة فيها بالاضافة اللي قلتة في الاول

الى الاداره
مش مقترض ان تقول فلان او علان
ولكن
الاداره تقوم بتنزيل اسماء جميع المرشحين بالكامل
ونبذها مختصر عنهم
وعلى الرواد التصويت فقط بدون اى تعليق
وبناء عليه نكون منصفين وعادلين وجادين في هذا الحدث
ونمنع اي تراشق

المنتدى مش لجنة انتجابات يعنى مش مفترض ان كل واحد يقول هو مع مين او ضد مين
لو واحد هيكتب عن مرشح يتكلم بطريقو موضوعية وحيادية وبلاش السخرية من الاخرين
وزى ما قال الكنيج الاولى اننا نحاسب اللى انتخبناه ومعملش حاجة

زائر

اولا العنوان مستفز ارجوا حذف كلمه (( عبط ))
والتحدث باسلوب افضل
والا ساضطر لحذف العنوان او قفله

» إعادة طرح رخصتي «أسمنت سيناء والوادي الجديد» للبيع
» من يجيب حقوق هولاء
» نتيجة الثانوية العامة 2010 بالاسماء