مصداقية المنتدى وانفعال الدكتور سرور على النائب سعد نجاتي

مصداقية المنتدى وانفعال الدكتور سرور على النائب سعد نجاتي
تأكيدا على مصداقية المنتدى وعدم كتابة اي موضوع بدون دليل او مستند اليكم الدليل الذي يؤكد مصداقية المنتدى وهو جريدة اليوم السابع الذي نشر الخبر ونحن بدورنا نقلنا الخبر كما هو وارجو من الاخوة الاعضاء الذين يشككون في الخبر الاطلاع على الخبر في جريدة اليوم السابع من خلال الرابط وكذلك مواقع اخرى نشرت الخبر واليكم الرابط:
http://www.youm7.com/News.asp?NewsID=243928&SecID=65&IssueID=53

لا حول ولا قوة الا بالله
ياخى الفاضل مفيش حد شكك في مصداقية سيادتك ولا مصداقية المنتدى الكلام على مصداقية الخبر اى كان مصدره
ارجو ان حضرتك تكون فهمت وبعدين انا بعت ليك وللمنتدى كل الحقائق والمستندات اللى تثبت العكس
طيب ليه مصدقفهم هما ومكدبني انا على الرغم من انى جبت وثائق وصور وفيديو وفوق كل ده مصادر موثقه من مجلس الشعب نفسه اللى اتكرم بيها الاستاذ ماهر
المفروض انى اعمل ايه تانى بقي

شكرا لك كينج ع التوضيح
واحنا اكيد مش ضد اي حد
احنا مع الصالح العام
وكلنا شعب واحد وبلد واحدة
تحياتي

يا جماعة جريده اليوم السابع انا كنت مراسلها فى المحافظه وسبتها ومن ساعتها والمحافظه واقعه منهم واللى بيبعت الاخبار دى مكتب الصحافة التابع للمحافظه واللى بيبعتها احمد عبد السلام وطبعا بيتحرك هو وكل مراسلين الجرائد القوميه فى اتجاه السيد المحافظ وانتو اعارفين توتر العلاقه اللى بين المحافظ والمهندس سعد نجاتى وخصوصا بعد الحوار اللى دار بين السيد المحافظ والمهندس سعد نجاتى والمحافظ قاله احنا نعمل مناظره ونشوف مين انجازاته اكتر فرد عليه المهندس سعد امام المجلس المحلى قائلا والله انا لا اساوى قطره من هذا الماء معبر اعن حبه لبلده وسكب بعض قطرات المياه من الزجاجه معقبا انه مهما فعل من انجازات لن يوفى هذا البلد حقه ومن ساعتها والمشاكل بدات وطبعا ابناء المحافظه وخاصة رجال المحافظة والمنتفعين واللى انا كشفت عن شخصيات اكثرهم للسيد المحافظ فى اخر لقاء جمعنى بسيادته بالسند والدليل
فياريت تعرفوا ما وراء الخبر واليوم السابع
انا سبتها لسببين الاول بسبب ضغوط المحافظ عليهم علشان اللى نشرته فى اكتر من قطاع واخبار تمس السيد المحافظ وكانت موثقه ولما لقيتهم بيغيروا فى شغلى ويحذفوا واخر موضوع ليا كان عن مشكله امنيه تزامنت مع وفاه اللواء سامى قمر مدير الامن رحمه الله والذى صرح لى فى اخر اتصال معه بملابسات الموضوع وتم النشر
وانا بصراحه عارف اهداف الاخوة اللى فى المنتدى وتوجهاتهم وبقول للاستاذ نايت كينج ياريت تكون حيادى فى العرض واللى انت بتدعمه فعلا انسان محترم ولكن تصرفاتك دى هتسىء ليه اكتر ما هيه هتخدم على مشروعه