النائب سعد نجاتى

بسم الله الرحمن الرحيم
اولاً والله انا مكنش في نيتى خالص انى احط موضوع زاى ده ولا انا ضد اى من المرشحين خالص واتمنى الفوز للاحق واللى هايقدر بجد يعمل حاجة لينا ويقدم للوادى حاجة بجد
السبب اللى خلانى اكتب المووضوع ده هو الاستاذ المحترم نايت كينج اللى كتب موضوع عن النائب سعد نجاتى بيقول انه متكلمش خالص في مجلس الشعب غير اخر دورة وان حصلت مشادة كلامية بينه وبين الدكتور فتحي سرور
احب اقوله ياخى اتقي الله والكلام ده هانتحاسب عليه وقبل ما نتكلم او نقول حاجة لازم نتأكد من صدقها دى سمعة ناس وانا رديت في الموضوع ولقيت احد الاعضاء بتقول انه كان لابس طيقه الاخفاء وانها عمرها ماشفته في مجلس الشعب يعنى هى بتفتح كل يوم التلفزيون وتتفرج على مجلس الشعب المهم ما علينا
انا وعدت في ردى داخل المووضوع انى هاجيب صور وفيديو تثبت انه كان بيحضر وبيتكلم على طول في مجلس الشعب وهاجيب كمان انجازانته للبلد للي بيقول انه معملش حاجة في البلد بس لقيتهم كتير قوى ففضلت انى اجيب ليكوا رابط الموقع بتاع النائب سعد نجاتى وانتو تتفرجوا براحتكوا وبصرف النظر عن قرابه اى من الاعضاء لاى من المرشحين ياريت نتقي الله قبل كل شئ ونقارن بجد وبضمير واعي بينه وبين غير من المرشحين فان كان قد فعل القليل فغيره لم يفعل اى شئ على الاطلاق
واسف جدا على الاطاله عليكم
واليكم الرابط
واعتقد ان الرابط دة هايبقي دليل كافى
http://saadnagty.com/default.htm

كل الشكر والتقدير للعضو المحترم ماهر البهنساوى
على المعلومات المهمة التى اضافها على موضوعي
وجزاه الله كل خير

اولا ياستاذ محمود صالح مش صلاح
ثانيا بقي والاهم متشكر جدا على كلام حضرتك واتمنى من ان كل اللى رضوا في موضوع الاستاذ نايت كنج يردوا ويقولوا ايهم في الموضوع ده ياريت بلاش نظام الكلام اللى يعجبنا وفيه فضايح لناس نجرى عليه والكلام اللى فيه حق بيترد لناس يبقي نظام اقري واجرى
واخص بالذكر الاساتذه المحترمين فراشة الوادى وكونان ونايت كنج وهبه ابو مؤمن والمحامى الموقر استاذ عبد الغفار

هذه حملة متعمده ومدبرة من انصار المنافيس الاخرين بمناسبة قرب موعد الانتخابات ولن تنال هذه الحملة الشعواء من قيمة هذا الرجل المحترم الخلوق بل انها سوف ينقلب السحر على الساحر وتأتى هذه الحملة القذرة بنتائج "معاكسه " على اصحاب القلوب المريض مروجى هذه الشائعات الذين يحاولون ان يسخروا من انجازات هذا الرجل ومجهودات ومشاكساته مع المسئولين من اجل مصلحة مواطن الوادى الجديد ويحاولون تضليل الراى العام وتصوير هذه المجهودات المشكورة انها هزائم وانكسارات وسوف يرد الله كيدهم عليهم وتزيد هذه الحملة من شعبية هذا الرجل المحترم الخلوق صاحب الجهد الوفير والذى فعل مالم يفعله غيره وتزيد من تعاطف الاسوياء معه....ولن نرضى سوا بسعد او شخص يفوقه .. ولن ننتخب ابو الهول مرة اخرى

اولا انا اللي كتبت الموضوع اللي الاستاذ صالح والاستاذ ماهر شنو حملة على المنتدى وعلى كاتب الموضوع. كل الحكاية اني نقلت الموضوع نقلا من جريدة اليوم السابع. وسبق ان كتبت الرابط اللي نقلت منة الموضوع. مش لازم ان كل حاجة تبقى وردية عن المرشح اللي انت بتحبة. مش لازم كل حاجة يكتبها المنتدى تكون على هوى ابناء المرشحين واصحابهم. هل جريدة اليوم السابع بينها وبين الحاج سعد عداء؟ اسألوها هي لماذا كتبت هذا الكلام وهذا هو الرابط:
http://www.youm7.com/News.asp?NewsID=243928
الحاج سعد راجل محترم وفعلا عمل حاجات كويسة كتيرة بس انا بجد مش زنبي ومش انا اللي قلت لليوم السابع اكتبي الكلام دة. المنتدى من حقة يظهر للناس الحقيقة. فية حاجات كتير كويسة بتتكتب في حق الحاج سعد ولم يتم حذف اي منها من قبلنا كأدارة منتدى لأننا نؤمن بالرأي والرأي الاخر ونحن لسنا ضد الحاج سعد. بس ياريت ماتحاولوش تكرهونا في الراجل المحترم دة