يا شعبي حبيبي....... رسالة من رئيس لشعبه !!!!!

[center]يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جـابر خواطر يا ســاكن مقابر وصابر وعـال
يا واكل سمومك يا بايع هدومك يا حامل همومك و شـايل جبـــال
يا شعبي اللــي نايم وسارح وهايم وفي الفقر عايم وحاله دا حــال
أحبك محشش مفرفش مطنش ودايخ مدروخ وآخر انسطال
أحبـك مكبـر دماغــك مخــدر ممشـّي امورك كدة باتكــال
وأحب اللي ينصب وأحب اللي يكذب وأحب اللي ينهب ويسرق تلال
وأحب اللي شايف وعارف وخايف وبــالع لســانه وكاتم ما قال
وأحب اللي قافل عيــــونه المغفل وأحب البهايم وأحب البغال
وأحب اللي راضي وأحب اللي فاضي وأحب اللي عايز يربي العيال
وأحب اللي يائس واحب اللي بائس و احب اللي محبط وشايف محال
واحبك تســـافر وتبعد تهاجــر وتبعت فلوسك دولار أو ريال
واحبك تطبـّل تهـلل تهبـّـل عشان ماتش كورة وفيلم ومقال
واحبـك تأيــّد تعضّـد تمجّــد توافق تنافق وتلحس نعال
تحضّر نشـادر تجـمّع كوادر تلمـّع تقمـّع تظبـّط مجـال
لكن لـو تفكـّر تخـطط تقـرر تشغللي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها هاجيبك.. لايمكن أسيبك وراح تبقى عبرة وتصبح مثال
هابهدل جنابك وأذل اللي جابك وهيكون عذابك دا فوق الاحتمال
وامرمط سعادتك واهزأ سيادتك واخللي كرامتك في حالة هزال
وتلبس قضية وتصبح رزية وباقي حياتك تعيش في انعزال
هتقبل ها حبك.. هترفض هلبـّك هتطلع هتنزل هاجيبلك جمال
منقوووووووووووووووووووول[/center]

مظبوط هو ده حال المصرين شباب مهاجر متغرب اطفال مليه الشوارع

جياع متشردين وناس فوق خالص وناس في الجديد

حلو كتيييييييييييييييييييير
بس على فكره انا بحب جمال

مش المهم تكونى بتحبيه ولا لا لانه كده كده هو الرئيس اللى جاى ههههههههههههههههه

جمال بتحبيه احسن من برادعى ملناش فيه

وانا مش فاهمه ميه هو مين البرادعى اللى جاى يرشح نفسه

انا معاكى انه مين البرادعى اللى طلع فجأة وعايز يبقى رئيس وهو اصلا مش مقتنع بالاحزاب السياسية انا مش عارفة ازاى
بس جمال متربى ف بيت سياسى يعنى شارب السياسة من ابوه هههههههه
بس هو ف الاول والاخر العيب مش ف السياسيين اللى ماسكين البلد العيب ف الشعب انا شايفة اننا نغيره ونجيب شعب تانى هههههههه

هو ده حال لشعب المصرى عايز حد يحركه اطفال فى الشوارع و هجره خارج مصر و نصب واحتيال وحاجات كتير مصر عايزه تعديل ومين كمان البرادعى اللى عايز يرشح نفسه هو اساسا ميعرفش حاجه عن بلده وكل حياته فى المانيا

زائر

انا كمان بحب جمال
وفعلا البردعى مش عارف حاجه عن مصر

شكرا لكل اللى نور الموضوع

انا شايفة الحل ف اننا نغير الشعب ده ونستورد شعب غيره

على رأيك يا فراشة هوة ده الحل الوحيد

دلوقتى الشعب المصرى مبقاش عارف يعيش بسبب الظلم اللى مالى مصر

اقتباس :: واحبك تطبـّل تهـلل تهبـّـل عشان ماتش كورة وفيلم ومقال

دى ملاحظه جدا طبعا

موضوع جااااااااااامد ثانكس

» رسالة إلى رئيس مصر المنتظر ..أرجوا التثبيت
» شعر , حكمة , مثل شعبي
» بكتب ليك يا حبيبي قلبي انا
» أبدااااااااا لن أنساك حبيبي
» من قلبي الى قلب حبيبي اولقلب من أحببت بصمت