بعد ما رأته عيني اليوم من مناظر دامية للأسف مصري يقتل مصري
لم أتحمل ودمعت عيني وبكت الكلمات ورحت ازرف من إحساسي تلك القصيدة لعلي اخفف عن مرارة حزني علي بلدي الحبيبة مصر
احنا في سوريا
ولا في مصر
يا اخونا
الرحمة بمصر
قتل ودم
حريق وعويل
مصري بيقتل
مصري بيسحل
مصري يولع
كل ثمين
معقولة
بنقتل بعضينا
وندمر في بيوت اهالينا
خسارة
يا ميت الف خسارة
علي مصري
معمي بفلوس
وجماعة
تجري ورا كرسي
والكل
برجليه بيدوس
علي بلدي يخنق اهاليها
ولا راحم طفل بيتامل
ولا حتي شيخنا ولا حرمة
الكل برجليه بيدوس
عنيا بالدم بتبكي
علي حالنا
واللي وصلناله
ما تقوليش
دي اصلها ثورة
او احفاد مصر
وحضارتها
دول اغراب عنا
وعن بيتنا
فوقوا يا شباب
مصر بتولع
روحو طفو في اي مكان
ايشي في مقطم
او في مساجد
نار بتحوطنا واحنا نيام
ما بتعرف غالي و ثمين
وكفاية فرقة في صفوفنا
ارحمو مصر
الله يخليكم
وكفاية كدب وتضليل
بعتو بلدنا قصاد مصالحكم
شردتونا
شتتونا
ولا عارف مصري
ولا عميل
الاخوان ضد التيار
والتيار ضد الاخوان
مصر بتولع بين احزاب
مصر بتشكي للاغراب
غريبة
بتبكي بحرقتها
علي اولادها اللي باعوها
ارحمو مصر الله يخليكم
ارحلو عنها
انا باناديكم
يا شوية اقذار
مراكيب
شعر / علي عبد المنعم مبروك
[img]
[/img]
الرئيسية 
