الي امي الحبيبة مصر بمناسبة عيد الام اهدي اليك هذه القصيدة
بعنوان (الليل ابدا لن يطول )
الليل بيسقيني الوجع
اقع في دحديرة عذاب
القلب غاب
والعيون اتكلمت
قالت
اموت
ولا دمعة تنزل عالخدود
منك انت
زي ما تمني الكلاب
ابدا ما يكونو ولادك
ولا رضعو من حنانك
دول شوية بلطجية
اطرديهم من فؤادك
دول بيخترعوا البدع
يا مصر يا حضارة سنين
ياللا هانت
مش فاضلك غير
يومين
ويفض مولد الانتخاب
والقلوب تظهر تبان
المستخبي ينكشف
كل الفيران منك تخاف
لما تقفي سانده طولك
يحملوك حماة جدودك
يرموا بالغبار بعيد
والله ما يفرقنا غاصب
او منافق
او عميل
عيد ميلادك شايفه ساطع
والله عالابواب قريب
واحنا ندعيلك يا امي
من قلوبنا كل ليل
انه ما يطول الضلام
شمس فجرك بتناديك
اصحي يا طاهرة
تعالي
نبني
ونعمر
نعلم
جيل ما يعرف مستحيل
ثورة يعني التزام
يعني نهضة
يعني حرية عدالة
يعني نحترم الكبير
والمظاهرة تبقي اعلان للمطالب
مش ندمر كل غالي
او نخرب في المصانع
مش تحرش
او رزالة
او نيران في كل حين
جمعو يا شباب ايديكم
انفضو عنها الخراب
خلي بيكم مصر
ترجع
هي محراب كل ضال
شعر / علي عبد المنعم مبروك
الرئيسية 
