ايمانا مني بان لكل فرد في الوطن له دور ولابد ان يكون ايجابي ونظرا للظروف الصعبة التي تمر بها مصر اكتب للمرة الثانية بس المرة دي قصيدة عامية بعنوان 0مصر تنتحب
ربما توقظ ما تبقي من ضمير حتي نخفف عن مصر معاناتها
كسر دمر
اوعي تخاف
كل شيء في الدنيا
مباح
الشرطة بتجري وتسلم
والثوار تاهوا يا جدعان
بلطج انهب احرق اقتل
ثورة ما ثورة
الكل بيكدب في الميدان
اشي اسلامي علي ليبرالي
سلفي يخبط في الاخوان
مصر بتصرخ
مين ينجدها
تيار شعبي او مصلحتي او انقاذ
و الاعلام منتهز الفرصة
حزب الكنبة زي الكنبة
مش في دماغه
الكل جبان
عمنا مرسي انا مش عارف
مش بيشوف
يمكن عملاء
او حرامية
خلو التلفزيون عطلان
طيب ولامتي
هنتفرج
نبكي ونكتب
نشجب نرفض
كل اشكال العنف الدامي
بس حلول سامحني يا عمو
انا مصلحتي فوق بتنادي
يمكن الحق كرسي بمجلس
او اصبح قريب من الريس
اهو سبوبة أي ما كانت
تولع مصر مش في دماغي
بلا وطنية بلا شعارات
الكل مصالح ومنافع
وعشان الكرسي
بيتعايق
جو التلفزيون بكلام
والاصل
انا انا انا انا
بعدي الطوفان
اصحوا وفوقوا قبل
ما مصر تعلن افلاسها
ترحل وساعتها يا برادعي
سلم لي بقي علي الترماي
شعر / علي عبد المنعم مبروك
الرئيسية 
