دعوة جادة للنهوض بالمنتدى ( يا ريت الكل يشارك)

السلام عليكم..
----------------------------------

انا من وجهة نظرى اوجه القصور فى المنتدى هم الاعضاء لانهم بيركزو على حاجات معينه يعنى مواضيعهم مش متنوعه ومش بيشاركو فى كل اقسام المنتدى وده غلط جدا لان لازم كل اقسام المنتدى بيتكتب فيها مواضيع جديده وباستمرار عشان يكون فى روح للمنتدى.

وسبب غيابى عن المنتدى بصرف النظر عن الفتره اللى فاتت انى بالفعل اشتركت فى منتدى تانى فيه عدد من الاعضاء مثل منتدانا بس كلهم بيشاركو وبيكتبو فى كل المجالات وعدد قليل من الاعضاء اللى مش بيشارك بس الاغلبيه بتشارك
منتدى شباب الوادى ميختلفش عنه كتير طب ليه منشاركش بعضنا ونكتب فى كل الاقسام وننشطها بدل ماهى مش شغاله ده لو زائر دخل المنتدى وشافه بالكسل ده مش هيسجل ويبقى عضو يا استاذ ربيع انا بحييك على مجهودك الملحوظ جدا فى المنتدى ولولا حضرتك وعدد قليل من الاعضاء فى منتدانا مكنش المنتدى هيكون كده طيب فين باقى الاعضاء ؟؟ كلهم مشغولين معندهمش اى وقت ؟؟ ده لو فتح كل يوم خمس دقائق وكتب موضوع واحد او علق تعليق واحد الوضع هيختلف تماما احنا عددنا مش قليل ابدا طب ليه منستغلش ده؟؟؟

ولو كنت مديره فى المنتدى كنت هنشىء اقسام جديده وهغير من شكل المنتدى وهعمل دعوات عن منتدانا فى المنتديات الاخرى بشرط(( ان لا يغيب العضو عن المنتدى اكثر من شهر والا ستلغى عضويته)) لان فى اعضاء كتير بتسجل ومتدخلش تانى ومبتشاركش خالص انا هعمل كده عشان الكل يشارك مش غلاسه والله ..

انا مش هقترح اى حاجه بس ياريت كلنا نبدأ نكتب فى باقى اقسام المنتدى المنغلقه وياريت ندخل المنتديات الاخرى ونشوف الاقسام اللى فيها ونحاول نزود من اقسامنا وكتابتنا..

انا كنت صادقه فى الاجابه والله اعلم واتمنى رد حضرتك يا استاذ ربيع ورأيك فى كلامى..
وياريت تتقبل مرورى---------------------------------------------------------------------------

السلام عليكم ورحمة الله وبركاته

بداية اشكر حضرتك يا استاذ ربيع على هذا الموضوع و أنا من وجهة نظرى أن هناك الكثير من الاخطاء التى وقع فيها الكثير فأصبح المنتدى بهذا الشكل
أولا : خطأ عزوف الكثير من الاعضاء عن المشاركة واننى لاأجد لهم مبرر فأنا واحدة من أعضاء المنتدى ورغم اننى محملة بمسؤليات كثيرة الا اننى احرص على المشاركة وتخصيص جزء من وقتى للنهوض بمنتدانا الكريم .
ثانيا : رغم حرص ادارة المنتدى فى النظر لآراء واقتراحات الاعضاء الا أن هناك من الآراء لم يلتفت اليها رغم انها حازت على الاعجاب واننى اغتنم فرصة اقتراب العام الدراسى الجديد وأتقدم لادارة المنتدى الموقرة باقتراح فتح قسم خاص لتساؤلات واستفسارات اخوانناالطلاب فى مختلف المراحل الدراسيةوبذلك نكون قد قمنا بالفعل برسالة سامية ونبيلة وأيضا كسبنا أعدادا هائلةمن الاعضاء المشاركين بالفعل.
ثالثا : عدم تقدبم بعض المسابقات التى تم الاعلان عنها مثل مسابقة شهر رمضان ورغم تساؤلى عن غياب هذه المسابقة الا اننى لم الق ردا من قبل ادارة المنتدى عن السبب.
رابعا : عدم معرفة بعض المشرفين عن ماهية الاشراف وما هو الدور الفعلى لهم للرقى بالمنتدى وبهذه المناسبة أقترح بعمل ما يشبه بالدورة التدريبية للمشرفين أو تقديم الموضوعات التى تفيد المشرفين للرقى بهم وبدورهم للنهوض بالمنتدى وظهوره فى ابهى شكل ممكن
وأخير اشكرك استاذ ربيع على تواجدك الدائم بالمنتدى فبتوجداكم الدائم وموضوعاتكم المتنوعة والهادفة أاصبح المنتدى فى تجدد واستمرارية فجزاكم الله خيرا وكل عام أنتم وجميع اعضاء المنتدى وادارته بألف خير
والسلام عليكم ورحمة الله تعالى وبركاته