ارجع ياريس

موضوع: ارجع ياريس الإثنين يوليو 25, 2011 9:57 pm

قرر شباب الثورة المصرية التراجع عن مطالبهم بتنحي الرئيس
وطالبوه بالعودة الى منصبه
ولهذه الأسباب نطالبه بالعودة ^_^

ارجع ياريس
......ارجع يا ريس قبل العيد عشان نعرف نقول عيد مبارك
ارجع يا ريس مش لاقيين اسم لمحطه رمسيس في المترو
ارجع يا ريس... تقريبا نسيت نور الصالون في القصر مفتوح
ارجع لحسن شكلك هيبقي وحش قدام السادات و عبد الناصر لما يسألوك مشيت ازاي؟
......ارجع يا ريس.. وحشنا ابنك جمال
ارجع عشان ننزل التحرير تاني
ارجع.. بقوا يطبخوا ع الفحم في اسرائيل
طب ارجع يا ريس واللي اتفرم يتصلح
ارجع ياريس... شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني.. أو تامر أمين..
ارجع يا ريس انا بقيت بتكلم في السياسة براحتي
ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟
ارجع ياريس شكلنا هنبقي من الدول المتقدمة...مش معقول!!!
ارجع بقي ده حتي هالة سرحان رجعت, يرضيك كده يعني؟؟
يا ريس ارجع انا خايف رغيف العيش يكبر وأنا ناويه اعمل دايت
ارجع بجد, دلوقتي لما مبيعجبناش وزير بيتغير, المسئولون اتبهدلوا من بعدك!
ارجع يا ريس, الإخوان بقوا بيطلعوا فيالتليفزيون الحكومي
طب بص.. بلاش انت ترجع.. بس جمال وعلاء ضروري يرجعوا قبل رمضان.. هنعمل الدورة الرمضانية ازاي من غيرهم؟
ارجع يا ريس اصل الشعب صحته بقه كويسه مفيش انفلونزا طيور اوخنزير
ارجع يا ريس بقه ......ارجع بقه ....بلاش تخلى قلبك اسود

هههههههههههههههههههههههههههههههههه ^_*

*** منقول***

ارجع ياريس بقالنا كتير مسمعناش ايها الاخوه والاخوات

ارجع ياريس مين اللي هيتصور جمب القمح

هههههههههههههههههههههههههه
هيرجع على فين على التربة ولا مكان تانى

شكرا عبير وشكرا لك جوكر مين كان يتخيل ويجى يوم نتتريق على هذا الطاغيه ربنا ورانا فيه يوم وعلى اخر ايامه اللهم احسن خاتمتنا اللهم امين

اللهم امـين