محكمة الحب والرومانسية

تذكير بمساهمة فاتح الموضوع :

الحب والرومانسيه كلنا طبعا عارفنهم كويس بس احنا بقا عملنا المحكمه عشان نعرف الحب والرومانسيه عن كل وحد فينا

فكره الموضوع ان كل مره هنستضيف عضو معانا فى المنتدى وهيدخل معانا فى المحكمه وهيبقا فى قفص الغرام وتتم المحكمه

وعلى الجميع الالتزام بكل قواعد المحكمه الحكم هيكون عادل باْذن الله وياريت يكون الاجابه صادقه

احنا عاملين المحكمه عشان كل وحد فينا يقف قدام نفسه مره وحده بقلبه وياريت اللى يدخل المحكمه يكون عقله بعيد عن رده

قواعد المحكمه

1- الاجابه عن جميع الاسئله بكل صراحه..........

2- تكون صادق

3- لاتحاول ان تبعد عن مضمون الموضوع

ياريت الفكرة تعجبكم و عايزين نتفاعل مع بعض

منقوووووووووووووووووووووووول

ايه يا عم كمية التلزيق ديه كلها النمل اتلم ع المحكمة ومش عارفين نقعد هههههههههههههههه

بس كده ولايهمك جدامى يا مذنب حلو كده ( هو ده دلع القاضى)

جدامك

طيب ياختي
هههههههههههه

الاسئلة يا بومبو

بس قبل ما ندخل لازم تجاوب علي كل الاسئلة بوضوح و بصراحة علشان نعرف نحكم عليك و الا مش هتطلع من هنا ابدا

يلا نبدأ بقي

قول و الله العظيم اقول الحق و لا شئ غير الحق و اجاوب من كل قلبي و من غير لف و لا دوران

الاسئلة :-

1 - اسمك و سنك و عنوانك و وظيفتك ؟

2 - مفهوم الحب و الرومانسية بالنسبة ليك ؟

3 - انت شخصية طموحة و لا واقعية ؟

4 - الوحدة بتمثلك ايه في حياتك ؟

5 - مواصفات شريكة حياتك ؟ و لقيتها و لا لسة ؟

6 - حلم ليك و نفسك يتحقق ؟

7 - ممكن تحب واحدة كان مرتبطة قبلك بحد غيرك ؟

8 - كام قصة حب في حياتك ؟ قول ومتخبيش حاجة يا روميو

9- اكتر قصة حب ليك قعدت كام يوم ؟

10 - مين مرايتك قدام نفسك ؟

11 - بتحكي لمين علي اسرارك ؟

12-انت ممكن تنفعل بسرعة ولا ممكن تمسك اعصابك ؟

13 - لو جه صاحبك و قالك انا حبيت واحدة و طلعت هي نفس الانسانة اللي انت حبيتها و هو ميعرفش انك بتحبها هتعمل ايه ؟

14 - مين اول حد تحب تشوفه او تسمع صوته لما تبقي فرحان ؟

15 - مين اللي بتحكيله اي حاجة بتحصلك ؟

16 - ايه رأيك في الحب في فترة المراهقة ؟ و هل مريت بيه و لا لا ؟

17- ايه رأيك في الحب من طرف واحد ؟ جربته و لا ؟

18- الحب الاول في حياتك كان عندك كام سنة ؟ و هل مستمر و لا لا ؟ و ايه كان اسمها ؟ و هل ممكن تنساه و لا لا ؟

19 - قولت لكام واحدة انك بتحبها او معجب بيها ؟ و كام واحدة رفضتك او بمعني اصح نفضت لك ؟

20- ايه رأيك في الحب من اول نظرة ؟ موجود فعلا و لا لا ؟

21 - لو بتحب واحدة هتعمل ايه عشان تعرفها ؟

22 - لو بتحب واحدة و قالتلك انا جالي عريس هتعمل ايه ؟

23 - الاغاني و القصص الرومانسية بتحب تسمعها و لا لا و بتاثر فيك و لا الحاجات دي بتاعة الفرافير ؟

24- حب النت ايه رايك فيه ؟ و ممكن تحب من ع النت و لا لا ؟

25- حكمة انت ماشي بيها في الحب ؟

26- تجارب الحب الكتيرة صح و لا غلط كثرة الارتباطات يعني في وجهة نظرك ؟ و لا لازم الواحد يبقي خبرة ؟

27- لو شوفت اخت صاحبك صدفة و لقيتها خلاص مفيش بعد كده و حبيتها و قولت مش هحب غيرها هتعمل ايه ؟

28- الثقة في الحب لازم تكون موجودة و لا لازم يبقي في حذر ؟

29- واحدة متعرفهاش شخصيا و جت قالتلك ان في حد ماشي وراها بيضايقها هتعمل ايه ؟

30- اكتر حاجة ممكن تحرك قلبك و تخليك تتشد للانسانة اللي قدامك ؟

31- ايه اللي ممكن تعمله حبيبتك و يزعلك ؟

32- انتي شايف انك تقدر تتحمل مسؤلية فتح بيت و مصاريف عيال و كده و لا حمل كبير عليك ؟

33- عايز تتجوز و انتي عندك كام سنة ؟ يعني تعيش حياتك و العزوبية مفيش احسن منها و لا تتربط في رجل السرير بدري ؟

34 - كل شئ بامر الله طبعا بس احكيلنا مخططاتك للجواز يعني الخطوبة عايزها كام سنة و الخلفة بعد كام سنة من الجواز ؟

35- الخيانة كلمة كبيرة بتمثلك ايه ؟ و اتحطيت فيها و لا لا ؟ و عملتها في حد و لا لا ؟

36- انت متسامح في الحب و لا لا ؟و ايه اكتر حاجة متسامحش فيها ؟

37 - ايه اكتر موقف محزن اتحطيت فيه ؟

38 - ايه اكتر موقف فرحت فيه من قلبك ؟

39- ايه الشروط اللي هتشترطها علي شريكة حياتك قبل الجواز ؟

40- هقولك علي حاجات و تقولي تهديها لمين
- وردة حمراء
- وردة بيضاء
- قنبلة ههتنفجر بعد 3 ثواني
- كلمة احبك
- كلمة اكرهك
- انسيني
- ابعد عني
- ارجوك ارجعلي

41 - هتعمل ايه لو ساعة كتب الكتاب جه وكيل العروسة و عمل زي عادل امام و قالك نسيت البطاقة و انا مش موافق ع الجوازة ؟

42- لو و انت ماشي مع حبيبتك لقيت بنت جاية تقولك ازيك يا وليد هتعمل ايه ؟

43- لو و انت ماشي مع حبيبتك قابلكو واحد وقف قالها ازيك يا فلة ( ده اسم حبيبتك ) و وقف يسلم عليها و انت متعرفهوش و كان شكله واد روش بقي هتعمل ايه ؟

44- مين اكتر واحدة طلعت عينك علي ما عبرتك ؟

45- طلب تطلبه من المحكمة قبل الحكم عليك ؟

الاجابة بصراحة عشان القاضى يعرف يحكم

رفعت الجلسة و الحكم بعد سماع الشهادة و الاجابات
ههههههههههههه

ممكن تقسم الاسئلة ع مرتين

ملحوظة : تحط السؤال و تحتيه اجابته بلون مختلف عشاناعرف اقرأها و بلاش لف و دوران و انت فاهمني

حبيب !!!!
طب ادخل حل الاسئلة يا حبيب
ولا هنفضل مستنين كتير

1 - اسمك و سنك و عنوانك و وظيفتك ؟

الاسم : أحمد pompoo
السن : 22 سنة
العنوان : الخارجة
الوظيفة : طالب بكلية شريعة وقانون

2 - مفهوم الحب و الرومانسية بالنسبة ليك ؟

الحب اجمل معاني الحياة بل هو الحياة
واذكر مقولة
" أنك تمسح دموع حبيبك فهذه رومانسية
وانك تبكي لدموع حبيبك فهذا حب "
فهما شيء جميل جدا

3 - انت شخصية طموحة و لا واقعية ؟

طموح جدا جدا بس في ظروف تستدعى اني اكون واقعيا

4 - الوحدة بتمثلك ايه في حياتك ؟

ساعات بحب اكون لوحدي بس مش على طول

5 - مواصفات شريكة حياتك ؟ و لقيتها و لا لسة ؟

يعني تكون مؤدبة ومحترمة وجميلة وانيقة وشيك ورقيقة وطيبة وصافية واهم من كده اني احبها وتحبني
والله انا كنت لقيتها بس كل حاجة نصيب

6 - حلم ليك و نفسك يتحقق ؟

انا احلامي كتير اوي
بس ممكن نقول بالنسبة لدراستي
اني اكون وكيل نيابة

7 - ممكن تحب واحدة كان مرتبطة قبلك بحد غيرك ؟

عمرو دياب يرد عليكي
" ما بلاش نتكلم في الماضي
الماضي ده كان كله جراح
وما دمت بحبك انا راضي
هندور ليه على شيء راح

8 - كام قصة حب في حياتك ؟ قول ومتخبيش حاجة يا روميو

الصراحة واحدة بس

9- اكتر قصة حب ليك قعدت كام يوم ؟

وقت قصير اوي

10 - مين مرايتك قدام نفسك ؟

صاحبي محمود واخي حازم

11 - بتحكي لمين علي اسرارك ؟

صاحبي محمود واخي حازم

12-انت ممكن تنفعل بسرعة ولا ممكن تمسك اعصابك ؟

انا مش عصبي اصلا لكن في حاجات
بتخليني انفعل في ثانية

13 - لو جه صاحبك و قالك انا حبيت واحدة و طلعت هي نفس الانسانة اللي انت حبيتها و هو ميعرفش انك بتحبها هتعمل ايه ؟

مش عارف الحقيقة

14 - مين اول حد تحب تشوفه او تسمع صوته لما تبقي فرحان ؟

عمرو دياب

15 - مين اللي بتحكيله اي حاجة بتحصلك ؟

صاحبي محمود واخي حازم

16 - ايه رأيك في الحب في فترة المراهقة ؟ و هل مريت بيه و لا لا ؟

الحب ملوش سن معين او فترة معينة
الحب لو بجد هيستمر وهيبقى اسنه حب
وكانت فيه مقولة لأديب فرنسي بيقول:

" أنت في العشرين تستطيع أن تحب
وأنت في الثمانين تستطيع أن تحب
هناك داءما مناسبة لاشتعال البرق "

17- ايه رأيك في الحب من طرف واحد ؟ جربته و لا ؟

اصعب انواع الحب
واتمنى مجربوش

18- الحب الاول في حياتك كان عندك كام سنة ؟ و هل مستمر و لا لا ؟ و ايه كان اسمها ؟ و هل ممكن تنساه و لا لا ؟

التفاصيل مش مهمة ليكم
بس انا كنت بحبها اوي
وعمري ما انساها

19 - قولت لكام واحدة انك بتحبها او معجب بيها ؟ و كام واحدة رفضتك او بمعني اصح نفضت لك ؟

هي واحدة بس
مافيش حد نفضلي

20- ايه رأيك في الحب من اول نظرة ؟ موجود فعلا و لا لا ؟

ما قلنا الحب بيجي في ثانية
وممكن تكون الثانية دي هي اول نظرة
عندما تتلاقي الارواح الاتنين هيحبو بعض
وهو فعلا موجود

21 - لو بتحب واحدة هتعمل ايه عشان تعرفها ؟

اسال عنها صاحبتها اللي بتمشي معاها
او اسألها هي

22 - لو بتحب واحدة و قالتلك انا جالي عريس هتعمل ايه ؟

لو جاهز هتقدم فورا
ولو غير كده هقلها ترفضه طبعا

23- الاغاني و القصص الرومانسية بتحب تسمعها و لا لا و بتاثر فيك و لا الحاجات دي بتاعة الفرافير ؟

لو الانسان اللي عنده احساس و بيقدر الاحاسيس
بيقولو عليه فرفور
فانا فرفور واصحابي فرافير
هههههههههههههه

24- حب النت ايه رايك فيه ؟ و ممكن تحب من ع النت و لا لا ؟

والله الحب ده نصيب ولو حصل يبقى علشان يكمل
لازم يتقابلو علشان يتعرفو على بعض من قريب
لانه ع النت كله بيقول مميزاته ومافيش حد
يعرف عيوب التاني

25- حكمة انت ماشي بيها في الحب ؟

" ينبغي للرجل أن يكون مع حبيبته كالطفل
فاذا جد الجد وجدته رجلا "

بس كده دلوقتي علشان تعبت
نكمل بعدين
تصبحو على خير

الله عليك يا معلم
بس متتاخرش ف حل باقى الاسئلة
مع انك مش واضح اوى

كلام جميل وكلام معقول مقدرش أقول حاجة عنه منتظرين باقي الاجابات يا بمبو

ربنا يوفقك ف تحقيق حلمك وتكون وكيل نيابة قد الدنيا

ونور المحكمة وجاوب ع باقى الاسئلة

زائر

والله مصيتنى يا بوبمو

26- تجارب الحب الكتيرة صح و لا غلط كثرة الارتباطات يعني في وجهة نظرك ؟ و لا لازم الواحد يبقي خبرة ؟

الحب مش بالكمية المهم انه يلاقي الحب
ممكن يلاقيه من مرة وممكن يفضل يدور
عليه طول عمره

27- لو شوفت اخت صاحبك صدفة و لقيتها خلاص مفيش بعد كده و حبيتها و قولت مش هحب غيرها هتعمل ايه ؟

28- الثقة في الحب لازم تكون موجودة و لا لازم يبقي في حذر ؟

ما دام حب بجد يبقى لازم تكون في ثقة تامة
لان كل واحد أمن التاني على نفسه واغلى ما يملك
قلبه يبقى مش هيثق فيه طب ازاي

29- واحدة متعرفهاش شخصيا و جت قالتلك ان في حد ماشي وراها بيضايقها هتعمل ايه ؟

هعتبرها زي اختي واساعدها

30- اكتر حاجة ممكن تحرك قلبك و تخليك تتشد للانسانة اللي قدامك ؟

نظرة عينيها تبين كل حاجة

31- ايه اللي ممكن تعمله حبيبتك و يزعلك ؟

اي حاجة تمس كرامتي

32- انتي شايف انك تقدر تتحمل مسؤلية فتح بيت و مصاريف عيال و كده و لا حمل كبير عليك ؟

في الوقت الحالي اكيد صعب
لكن بعد كده اكيد هقدر ان شاء الله

33- عايز تتجوز و انتي عندك كام سنة ؟ يعني تعيش حياتك و العزوبية مفيش احسن منها و لا تتربط في رجل السرير بدري ؟

يعني بين ده وده
يعني سن ال 27 مناسب

34 - كل شئ بامر الله طبعا بس احكيلنا مخططاتك للجواز يعني الخطوبة عايزها كام سنة و الخلفة بعد كام سنة من الجواز ؟

الخطوبة يعني سنة بالكتير
والاطفال مش تتاخر باذن الله
يعني اول سنة يكون في طفل

35- الخيانة كلمة كبيرة بتمثلك ايه ؟ و اتحطيت فيها و لا لا ؟ و عملتها في حد و لا لا ؟

ااكيد شيء حقير
الحمدلله ما حصلش معايا الموضوع ده
ومش بحب اعمله في حد

36- انت متسامح في الحب و لا لا ؟و ايه اكتر حاجة متسامحش فيها ؟

لازم يكون في تسامح في الحب علشان يستمر
وانا بحب انه يكون فيه تسامح
اكيد الخيانة مش هسامح فيها

37 - ايه اكتر موقف محزن اتحطيت فيه ؟

بعد ما لقيت الحب يصيع مني

38 - ايه اكتر موقف فرحت فيه من قلبك ؟

ما لقيت فرحان في الدنيا
زي اللي فرحان بنجاحه
لما نجحت اول سنة في الكلية

39- ايه الشروط اللي هتشترطها علي شريكة حياتك قبل الجواز ؟

يعني اانا نكون على نقاش في كافة الامور
وانها ما تسيبش بيتها مهما حصل
وان الكلام اللي بيننا ما يطلعش بره
غير بقى اكيد غي امور تانية هقولها عليها

40- هقولك علي حاجات و تقولي تهديها لمين
- وردة حمراء

حبيبي

- وردة بيضاء

حبيبي

- قنبلة ههتنفجر بعد 3 ثواني

للحكم اللي ادار ماتش الاياب بين الاهلي والترجي

- كلمة احبك

حبيبي

- كلمة اكرهك

منتخبات شمال افريقيا جميعا

- انسيني

الاحزان

- ابعد عني

ذكرياتي الأليمة

- ارجوك ارجعلي

حبيبي

41 - هتعمل ايه لو ساعة كتب الكتاب جه وكيل العروسة و عمل زي عادل امام و قالك نسيت البطاقة و انا مش موافق ع الجوازة ؟

اخليها تشوف وكيل غيره بسرعة
هههههههههههههههههه

42- لو و انت ماشي مع حبيبتك لقيت بنت جاية تقولك ازيك يا وليد هتعمل ايه ؟

هقولها انتي غلطانة انا احمد

43- لو و انت ماشي مع حبيبتك قابلكو واحد وقف قالها ازيك يا فلة ( ده اسم حبيبتك ) و وقف يسلم عليها و انت متعرفهوش و كان شكله واد روش بقي هتعمل ايه ؟

اسال هو مين

44- مين اكتر واحدة طلعت عينك علي ما عبرتك ؟

حبيبتي

45- طلب تطلبه من المحكمة قبل الحكم عليك ؟

اقولها كلامي طالع من قلبي
واطلب منها انها تحكم عليا حكم حنين

وفي النهاية
انا سعيد جدا اني كنت معاكم
واتمنى اني اكون خفيف عليكم
واشكركم جدا
تحياتي

اهى اهى اهى
قطعت قلبى برومانسيتك دى
ان شاء الله عدالة القاضى هيلطف بحالتك
ويديلك حكم حونين

إيـــهـ ده كلــه إيـــهـ ده كــله؟!!

ظلمـــــــــوه
ظلمــــــــوه

القلب الخالى ظلمـــوووه

ههههههه
ربنـــأ معاكـ ومستنيين الحكـــــــــم

ياعينى عليك يابومبو هتعيد ف الحجز
الناس هتاكل لحمة وانت عيش وحلاوة
هههههههههههههههههههه

بس نسيت اقولك بالنسبة للسؤال 27
انت سايبه اجب بنفسك ولا اية ؟

لا لا يا كونان

اكيييييييييييد

انظر الكتااااااااااااااب

هههههههههه
ممكن بردو لو المحكمة اوبن بوك

نسيته والله
ههههههههههههههه

ازيكو يا شباب عاملين ايه

بعد الاطلاع علي القضية و سماع المرافعات و الشهادات و كل المناقشات

تبين للمحكمة ان المتهم

1- شاب يعيش سنه

2-بئر غوييييييييييط لن نعرف اخره

3- حويط جدا ومش بيجاوب اجابات واضحة ع الاقل بالنسبة لى انا حاسة انه بيلف ويدور

4- بيتهرب كتييييير و خاصة لما يلاقي نفسه اتزنق

5- بسبب مكانته في المنتدي مش عايز يقول الحقيقة كاملة

6- بيدور ف الماضى كتيير او مستنى حاجات منه ترجع له تانى

كفاية عليك كده

الحكم

1- يكتب صفات واضحة لشريكة حياته وايه اكثر حاجة بتشده للبنت

2- يوضع ف قفص الحياه عشان يتفرم شويه ويتحمل المسئولية

3- يترمى ف سجن المنتدى قد 545697 سنة

اي حد عنده حكم يكتبه
نصيحة للزمن خليك صريح خاصة مع البنات

ياعني عليك يابومبو وقعت ياولدي ولا حد سمي عليك
ايه رأيكم ياجماعة الدور القادم لي فراشة والوادي
عاوزه اعرف ردكم

أحلى حكم يا بومبو الحكم الثالث

وعلى فكرة يا ميمو

فراشة الوادى دخلت القفص

واتحاكمت .. بس

انتى مخدتيش بالك

هوه انتا ازهري يا بومبو

يا عينى عليك
والنبى صعبان عليا

طيب يا جماعه ايه رايكو هنحط مين في القفص المره الجايه

كل ده حرام عليكي بس انا شايف ان البنات بالذات مش بيحترمو الصراحة

مين قال إن البنات مش بتحترم الصراحة
وبعين مش لما يكون فيه صراحة أصلا
والله هوة ده اللى أنا شايفاه

مين الفي القفص الجي

» سلسلة أروع ما قيل في ((الحب والرومانسية))
» ما هو الحب ..ما هي مقومات الحب ...ما هي اركانه ....ما هي شروطه
» إحالة «متهم سمالوط» إلى محكمة أمن الدولة العليا طوارئ
» اقتحام محكمة "الخارجة" ومحاولة الاعتداء على رئيس المحكمة
» النائب العام يأمر بإحالة مصطفى بكري إلى «محكمة الجنايات