طريقة عمل الفسيخ بالصور

النهارده انا جيبلكو اكله بقي انما ايه
كل الناس اللى اعرفهم بيحبو الفسيخ بس بيشتروه
احنا هنعمل [url=http://www.agbny.com/vb/t2442.html]فسيخ [/url]منزلى او بيتى
طبعا ... اللي بيحبو الفسيخ بيشجعو .... و احنا معاهم

المكونات:

سمك بوري" الكيلو سمكتين"
نص كيس ملح خشن
معلقتين كبيره شطه
و كياس جديده نضيفه
و حته قماش نضيفه

الطريقه:

اول حاجه نجيب السمك البورى طازه ولازم يكون طازه ده اهم حاجه
و منغسلوش و منعملش فيه اي حاجه

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 65 كيلوبايت.

و بعدين نجيب ورقة جرنان و نحط عليه السمك البوري بالشكل ده

طريقة عمل الفسيخ بالصور 0002

لحد مايصفي كل الدم

لمده لا تقل عن 12 ساعه
يعني تعلقيه بليل و تعمليه الصبح

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 53 كيلوبايت.

وبعدين تجيبى الشطة والملح

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 58 كيلوبايت.

وبعدين تفتحى خياشيم السمكة كده على الأخر
شايفاها حمرا أزاى لأنها طازه لو لون غير يبقي بايته

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 50 كيلوبايت.

و بعدين نحشي خياشمها دي بالملح و الشطه
تجيبي الملح و الشطه و تخلطيهم مع بعض
و بعدين تحشي لحد ما تحسي انها هاتفرقع و تضغطي كده بصوابعك علي الخياشيم المحشيه دي
هتلاقي الملح بيخش لجوه كده و بيتكبس

كده زي الصوره

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 56 كيلوبايت.

و تعملي كده في كميه السمك اللي عندك
و بقي شويه من الملح و الشطه دول
هقولك هانعمل بيهم ايه
حلو
تجيبي بقي كيس نايلون و تحطي فيه شويه ملح و شطه كده
بس ماتحطيش اكتر من سمكتين في الكيس الواحد

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 51 كيلوبايت.

اهو الكيس فوق
تعالي بقي نحط السمك بعد ماحشيناه
واحده عكس التانيه

كده زي الصوره

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 51 كيلوبايت.

و نروح رشين عليه شويه كمان من الملح و الشطه
و نربط الكيس الاولاني كويس قوي
و نلفه في كيس نايلون تاني

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 48 كيلوبايت.

و بعين تلفيه في كذا كيس
يعني حوال 5 كده
و بعدين اخر حاجه نلفه في مشمع
او كيس تخين علشان مايطلعش ريحه

كده

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 49 كيلوبايت.

و بعدين بقي

نحطه في حته كده بعيد شويه

يعني في درفه مطبخ اللي تحت

او اللي عندها دولاب بلكونه

او اي حته مداريا

بصي بقي ركزي شويه معايا
[center]احنا مش هانفتح الفسيخ خالص

اول 3 ايام.... مش هانيجي جانبه خالص

من بدايه اليوم الرابع لحد اليوم 15

كل يوم نقلبه مره

و هو ملفوف زي ماهو
يعني بنقلب اللفه كلها
الكيس كله

ازاي بقي

هو دلوقتي معدول نقوم محركينه كده كأنه نام علي الجنب الشمال

و بكره نخليه ينام علي بطنه

و بعده نخليه علي الجنب اليمين

و بعده نخليه تاني يتعدل

يعني بيلف

كل يوم حركه واحده بس

يعني اول ماتصحي الصبح حركيه و انسيه بقي لحد تاني يوم الصبح

الحركه دي مهمه قوي

لانها بتخليه يستوي

طيب هايطلع ريحه... اه هايطلع ريحه بس اول تلات ايام بس

و بعدين هايبقي فيه ريحه... اه بس خفيفه قوي

طيب خلصو ال15 يوم

تكوني بقي مجهزه القعده

بصل اخضر و عيش و ليمون و ياسلام بقي لو عودين نعناع علشان الشاي اللي بعده

و هاوريكو صورته حالا

استنوني

تعالي شمي بقي" قاصدي " شوفي الصور

[center]ده شكله لما فتحته بعد 15 يوم
و شلت كيس ورا كيس ورا كيس
ياااااااه
كتير قوي
المهم... اهه شكله قبل ما اطلعه من اخر كيس

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 81 كيلوبايت.

اهو بقي يا ستي الفسيخ
و دي بقي لما طلعتو من الكيس
بس اهم حاجه خلي بالك افرشي جرنان واعملي احتياطاتك

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 92 كيلوبايت.

طبعا تجيبي سكينه و تشيلي كل القشر بتاعه
و بعدين تبلي ايدك ميه و تمسحي الفسيخه كده من برا ..
علشان تشيلي القشر اللي لازق عليها
و بعدين تقطعي راسها و ترميها
و بعدين تفتحيها كده و تشيلي بطنها

و بيبقي شكلها كده

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 62 كيلوبايت.

ها ايه رأيكو
روعه
و ريحته تجنن
شايفين اللون يا بنات
و ايه بقي كريمه
لحمه دايب جدا

و دي صوره كمان

تم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 800*535 و بحجم 56 كيلوبايت.

مستنيه رأيكو

[/center]
[/center]

تسلم اديكى ياكروانة

ميرسي جدا يا ملكة الحب

والله تسلم الأيادي ياست الكل مجهود رائع مع أنه مش بحبه بس من منظره والطيقى دي شكلي هاحبه وأكله كمان تحياتي ليكي يا أمي

تسلم الأيادي

اشكرك يابشمهندس علي كلمة امي وحشاني من زمان وعلي فكرة لو اكلتو من ايدي هتحبو جدا وخاصة بالطحينة والليمون
كما اشكر الجوكر علي مروره المستمر علي موضوعاتي

تسلمى على النقل الهادف ... وارجو وضع اسم الشخص اللى تعب فى الموضوع وعمله وصور وكتب وهو كرومبا 2 ...
وذكر ان الموضوع منقوووووووووووووووووووووول
لينك الموضوع الاصلى http://forums.fatakat.com/thread147999-3
وشكرا

طيب ياسيدي ما تزعلش اوي كده اناكاتبه اللنيك اعلي الصفحة وعارفه طبعا ان الموضوع منقول وكل الحضرات اللي ردو عليا يعرفون تماما ان الموضوع منقول لان مش بامكاني اني اصور
واشكر علي الرد الجميل ده شكلي داخل المنتدي عشان ترد عليا الرد ده وبس
لان واضح ان دي اول مساهمة لك

والله يا malaktaher كلنا عارفين أن الموضوع منقول عادي وكل المنتديات بتنقل من بعض لدرجة أنك مش بتعرف صاحب الموضوع الأصلي بس اللي أما واثق منه أن الكروان بتعمله بطريقة أحسن من كدة كمان ومشكورة جدا على المجهود المبذول وفي انتظار مشاركاتك يا malaktaher بفاعلية وليس مجرد تعليق ورد

يكفيني هذا الرد ياسيد الكل واشكرك جدا

والله يا eng_civil82 انا معرفتش انه منقول الا لما شوفته فى منتديات كتييير تانية .... واللى استفذنى فعلا ان الاسم الاصلى اللى على الصور ممسوح ومكتوب اسم تانى حتى اسلوب المسح ردىء جدا .
و اعتقد انى طلبت فقط ذكر انه منقول وشكرت الكروان ...
" وعندى عتاب لحضرتك للهجة الرد دى اللى حاسة انها سخرية او تريقة ... اتمنى انى اكون فهمت وحسيت غلط "
عموماً ... شكرا ليكم جميعا ً

[i]شكراااا على الموضوع @@@@@@@@@@@@@@@@@@@@@@@@@
هو ده الكلام المعقول عا ميرسى ومليون ميرسى وتسلم الايادى

» طريقة ذبح الاضحية بالصور
» طريقة عمل الكيكة الإسفنجية
» كيف تعرف الشخصيات من طريقة المصافحه؟؟؟
» طريقة عمل شوز بناتى بأشكال تجنن
» طريقة عمل لانشو الفراخ الصور