دعوه لجمعه التصحيح والتطهير.... بميدن البساتين

زائر

الوادى الجديد الخارجه ......ميدان البساتين بعد صلاه الظهر مباشره

كل المحافظات اعلنت اشتراكها فى هذه الجمعه
مطالبنا..............
الإصرار على تنفيذ مطالب الشعب
1- محاكمة مبارك وعائلته وصفوت الشريف وزكريا عزمي وفتحي سرور وعلى الدين هلال ومفيد شهاب وكل رؤوس الفساد في النظام السابق
2- تجميد أرصدتهم في الداخل والخارج والعمل على سرعة إعادتها لمصر
3- حل الحزب الوطني الديموقراطي الذي دمر مصر لـ 30 عاماً
4- عزل المحافظين والمجالس المحلية ورؤساء الجامعات المصرية
5- تطهير الإعلام الرسمي من بقايا النظام السابق وأعداء الثورة
أتمنى أن يُلبي مسؤولو هذا الوطن مطالب الشعب والثورة قبل أن ننتقل من مرحلة ميدان التحرير إلى مرحلة شرم الشيخ !!

......................................................

زائر

بوقف مظاهرات الجمعة بحجة الاستقرار: كنتوا فين وأراضي مصر بتتسرق و40% من الشعب مش لاقي ياكل .. كنتوا فين والمسؤولين بياخدوا رشاوي بالملايين والموظفين الغلابة بيقبضوا 300 جنيه .. كنتوا فين لما كانت أمن الدولة بتعذب وتتجسس على أي معارض؟ .. كنتوا فين لما كان غازنا بيتصدر لإسرائيل بأبخس الأسعار .. طول ما فيه فساد مفيش استقرار عشان كده لازم نصلح الأساس عشان نبني بلدنا صح .. انزل يوم الجمعة وطالب بحقك

زائر

يضيع حق وراءه مطالب .. واحنا مطالبنا مشروعة .. أكتر من 50 يوم ولسه قادة الفساد اللي ثبت تورطهم في إفساد الحياة السياسية والاجتماعية والاقتصادية في مصر متحاسبوش على أي جريمة ارتكبوها .. إحنا مش هنتهم حد بأي حاجة بس عايزين حقوقنا ومش هنسيبها ومش هنسكت .. لأن فيه ناس ضحت بدماءها عشان بلدنا تتغير .. إحنا مش عايزين تغييرات ديكورية .. محاكمة رؤوس الفساد مطلب مش هتنازل عنه والتباطؤ في محاكمتهم لحد دلوقتي مش مفهوم

زائر

شاكرون على الفيس بوك .....

جمعه التصحيح

زائر

الحاكم العربي هو كائن غير حي، يعيش على الفساد، ويقتات بالاستبداد، أصم لا يسمع صراخ شعبه، أعمى لا يرى جرائم تابعيه، مصاب بالشلل الفكري، منزه عن الخطأ، تقدسه وسائل إعلام بلاده الرسمية، ويعارضه قلة مندسة أصحاب أجندات أجنبيه

زائر

الأول كانوا بيقولولنا حرام عليكم الريس ممتاز والمشكلة في البطانة اللي تحتيه .. وبعد ما مشي الريس واتكشفت ملفات الفساد المرعبة والسرقات للبلد ومحاربتنا للفاسدين بدأوا يقولوا: أنتوا عايزين ايه مش الراجل مشي خلاص .. مش هنسكت إلا لما رؤوس الفساد ورموزه اللي اغتصبوا فلوس البلد وأراضيها وأهانوا كرامة المصريين وأذلوهم وخلوهم ياكلوا من الزبالة يتعاقبوا على جريمتهم .. مصر مش هترجع تاني لمرحلة ما قبل 25 يناير
دعوه لجمعه التصحيح والتطهير.... بميدن البساتين 205197_216078201742726_100000216444187_1018018_5492251_s

دعوه لجمعه التصحيح والتطهير.... بميدن البساتين 205197_216078201742726_100000216444187_1018018_5492251_s

زائر

كل ليل آخره نهار.. مهما طال الانتظار. الأمل الّي في عيوننا.. مش بيعرف الانكسار.. في القلوب صوت بينادينا.. والحنين الّي مالينا.. أيوا مارد صاحي فينا.. راح يعيش لو وسط نار.. كان لازم ننتفض لازم نثور.. كان لازم ينتصر جوانا نور.. كان لازم ينكسر لو ألف سور.. طيب ومين يرضى السكوت.. طول ما فيه جوانا صوت.. جرحنا لازم هيصرخ.. حتى لو فيها موت..... راح تهون كل الآلام.. احنا اهو مش بالكلام.. شمسنا هتطلع عشان.. حلمنا رافض يموت. حلمنا رافض يموت.. حلمنا رافض يموت.. موعدنا يوم الجمعة 8 أبريل

زائر

زائر

انجازات مبارك الخاصه بعض الارقام القياسه الغير مسبوقه عالميا التى اهداها الى شعبه خلال فتره حكمه و منها
1- اقل متوسط دخل اسره فى العالم – اقل من ستون دولار شهريا
2- اعلى نسبه التهاب كبدى بالعالم ثلاثه و اربعون بالمائه
3- اعلى نسبه فيروس سي فى ...العالم اثنان و ثلاثون بالمائه
4- اعلى نسبه سرطان بالعالم ثلاثه عشر بالمائه
5- اعلى نسبه فشل كلوي بالعالم ثمانيه و ثلاثون بالمائه
6- اعلى نسبه فساد بالعالم اثنان و ثمانون بالمائه
7- اعلى نسبه بطاله بالعالم ثمانيه و عشرون بالمائه
8- اعلى نسبه سلب للمال العام بالعالم ثلاثه و عشرون بالمائه من دخل مصر السنوى
9- اعلى نسبه انحطاط فكرى و خلقى فى تاريخ مصر القديم و الحديث
10- اغلى نسبه اميه فى الشرق الاوسط – اثنان و اربعون بالمائه
11- اعلى نسبه جهل سياسي فى العالم حيث يعتبر المتحدث بالسياسه اكفرمن الكافر
12- اعلى نسبه قروض وهميه على حساب البنك المركزى المصرى سته و سبعون بالمائه مما يفسر ارتفاع نسبه الارباح بالودائع المصريه لانهم يسيرون بمبدا خذ من دقنه و افتلله و البنك المركزى لا يحتوى الا على شويه اوراق للقروض الوهميه التى استفاد المقترضين بنسبه العشره بالمائه و الباقى تم تحويله لحسابات العصابه بالخارج
13- كما انه خصص وحده من امن الدوله لتنفيذ الاغتيالات السياسيه و غيرها تحت ستار الحوادث
14- و لعلم جميع العاقلين مبارك هو السبب الرئيسى فى اقناع صدام حسين بغزو الكويت و هو السبب فى سهوله غزو امريكا للعراق بتسليمه جميع المعلومات و المخططات الخاصه بالجيش العراقى لامريكا و التى حصل عليها نتيجه ثقه و تعاون الجيش العراقى مع الجيش المصرى على مدار السنين

الله الله عليها مطالب وان شاء الله ورائها حتى تتحقق وانا معاك استاذ محمود بخروج الجميع للمطالبه بتطهير البلد من نظام الديكتاتور السابق .....

انا انشاء الله مشترك فيها بس في ميدان التحرير الناس ديه لو مأخدتش اعدام او تأبيده انا مش هسيب ميدان التحرير هواطن لحد ما يتحاكمو

واحنا كلنا معاكم عايزين التغيير لكل مظاهر الفساد واهمهم تغيير المحافظ الى جابه مبارك وحل المجلس المحلى وانا معاك يا محمود وكل زمايلى باذن الله

نفسى نبقى حزب واحد كلمة واحدة نحافظ على امن مصر واستقرارهامش اى حد يقول اى كلمة نصدقة انا بدات اكرة الفيس بوك حاسة انة حيودينا وراء الشمس اقتصاد مصر بدا ينزل والسياحة والبرصة لازم يكون عندنا صبر وندى للوزارة الجديدة فرصة انها تشوف شغلهاوربنا يسترها على مصر والعرب

ربنا معانا وانشاء الله هنجيب حق مصر الضائع ومدام احنا ماشيين فى الحق باذن الله ربنا هيوفقنا ونرجع حقنا من النظام الفاسد السابق وربنا مع الجميع

السلام عليكم ورحمة الله وبركاتة
أشارككم الرأى وأتفق مع الجميع تماماًفى ما قيل. الحق لن يضيع طالما فية مطالب بالحق

محمود - الدوحة

[b]
[b]أمين الخضر بالوادي الجديد يبدأ حملته الانتخابية برسائل المحمول
الوادى الجديد- بوابة الأهرام

بدء كمال فؤاد، أمين عام حزب الخضر المصري بالوادى الجديد فى تدشين حملته الانتخابية لعضوية مجلس الشعب القادمة بإرسال رسائل (sms) عبر الهاتف المحمول لعدد من أبناء وجماهير المحافظة.

وقال كمال فؤاد فى تصريح لـ"بوابة الأهرام" إنه أرسل أكثر من 2000 رسالة عبر الهاتف المحمول وأنه طلب من الناخبين دعمه فى حملته الانتخابية لعضوية مجلس الشعب فى سبتمبر 2011 القادم، فضلا عن قيامه بطباعة العديد من الكروت الشخصية ودعا أنصاره بتوزيعها على الأهالى بدائرة الخارجة.

يذكر أن أسلوب الدعاية الانتخابية برسائل الـ(sms) شيء جديد من نوعه بالمحافظة.

مرحب بيك استاذ كمال نورت المنتدى وشرفتنا ونتمنى لك التوفيق لما فيه الخير لمصرنا ولبلدنا الوادى

موضوع رائع وجميل يستحق الشكر والتحية

وانشاء الله مصر دائما فى تقدم واذدهار بسواعد ابنائها وشبابها شباب 25 يناير