فكيف سيكون تعاملك مع هذا الموقف ؟؟؟

قضية موجودة منذ القدم...
فمهما كان الإنسان على قيد الحياة ، ودامت القلوب تنبض بالحب ...
فلابد أن يتواجد هذا العنصر الذي قتل الكثير وأبكى كثير ودمّر الكثير !!

إنه ( الحب ) ولكن من طرف واحد !!
فلان يحب فلانة ... وهي لا تعلم ( والعكس صحيح )
فلان يحب فلانة ... وهي تعلم ذلك ولكن لا تحبه أو لا تبادله نفس الشعور ( والعكس صحيح )

وليعلم الجميع أن هذا النوع من الحب قد يخلق عاشقين متيمين ،
بل إنه قد يخلق مجانين وأساطير في عالم الحب ....

ولكن ألا تسألون أنفسكم بمدى العذاب الذي مروا به
كل أؤلئك الذين عانوا من الحب من طرف واحد !!؟؟
فمن مر بهذه التجربة سوف يحس بما أكتبه في هذا الموضوع ،
ولكننا من هنا نريد أن نبحث عن أرائكم حول هذه القضية !!
فهل من الأفضل أن تحب شخصا لا يحبك ، وأنت تحبه ؟؟ أم العكس !!؟؟
فلو تكلمت فرضا عن حالة شخص ... وقلت لكم أنه يحب بجنون ، ولكن حبه من طرف واحد !!
فربما تقولون لي ... ليحاول أن يحب إنسانة أخرى ؟؟؟
والجواب سيكون مستحيل ، لأنه يحب بجنون
وربما تقولون لي ... لن تقف الدنيا عند تلك الفتاة ؟؟؟
والجواب سيكون مستحيل ، ستقف الدنيا هذه المرة لأن تلك الفتاة هي حياته ودنيته

يا ترى كيف سيكون ردكم على مثل هذه الحالات ؟؟؟

وسؤالي الأخير ...

لو علمت أن هنالك شخص يحبك بجنون ، ولولاك سيكون الموت مصيره ، وذلك لعظم حبه
وانت لا تبادله نفس الشعور !!! فكيف سيكون تعاملك مع هذا الموقف ؟؟؟

لو علمت أن هنالك شخص يحبك بجنون ، ولولاك سيكون الموت مصيره ، وذلك لعظم حبه
وانت لا تبادله نفس الشعور !!! فكيف سيكون تعاملك مع هذا الموقف ؟؟؟

الله اعلم لاني متحطش في الموقف دا قبل كدا ولا مأظنش اني هتحط فيه

بصراحة موقف صعب
بس بيقولو في الامثال
خد اللي يحبك مش اللي تحبه
لان الشخص ما دام بيحبك يبقى
هيحاول بكل طاقته انه يسعدك
وفي ناس تنظر لها من جانب اخر
بحيث انها من هتحس بيه
هو ممكن يكون حل الموضوع ده
انه يشوف نفسه ويحاول
لو حب يبقى تمام
ولو غير كده يبقى حرام عليه بردو يظلم

""" نفسه """
تحياتي

شكرا لموركم الكريم امير وبمبو بس بجد عايزة اجابة
ياجماعة

لو علمت أن هنالك شخص يحبك بجنون ، ولولاك سيكون الموت مصيره ، وذلك لعظم حبه
وانت لا تبادله نفس الشعور !!! فكيف سيكون تعاملك مع هذا الموقف ؟؟؟

اولا مرسي ع الموضوع اللذيذ يامملكه وانا رايي من راي بمبو يعني لو انه بيحبني بجنون هحاول احس بيه وابادله نفس المشاعر لكن لومش قدرت يبقي انسحب بهدوء عشان مش اظلمه او اسببله اي جرح

اسعدنى مرورك اللطيف ياغادة

اناشايف ان العلاج هو ان يقطع علاقته بهذا الشخص لان الحب فى هذه الحالة تحول الى حب مرضى ممكن ان ينقلب الى انتقام ومع الوقت سينسى بشرط القطع النهائى

شكرا على مرورك الكريم يااستاذ محمود

بصراحه موضوع ياهههههههههه مالوش حل وهذا....

والذين عانوا من الحب بعد التنهيد والدموع يقولون

اما مصـير الموت لها او لهو

ماتت كافره طظ

اما الحب الباقى هذا هو اليكم

هذا ردى واريد التعقيب يااحباب

مش كل الناس كده ياصقر
هو ايوه الموقف صعب بس ممكن بيقى ليه حل

شكرا ياصقر المنتدى على مرورك اللطيف

بومبو عنده حق
بس أنا عن نفسى
لو فيه حد بيحبنى وأنا مش قادرة أحبه
هقولها له من غير ما أجرحه
لأنه مش معقول الواحد يظلم نفسه
مع انسان هوة مبيحبوش

هفضل شىء المواجهة والاقناع

بصراحه انا مش عارف اعمل انا دلوقتي اتحطيت في الموقف والله وكأ،ك بتحطي مشكلتي حد يقول حــــــــــــــــــــــــل؟؟

شكرا الصقر القاتل
بعد كلام شيخنا الجليل محمد حسان لاكلام تانى فى الموضوع وان شاء الله هتكبروا وتعرفوا معنى كلامى ده وانا كنت شاركت بمساهمه فى المنتدى وقلت مفيش حب قبل الزواج الحب الحقبقى بعد الزواج بالعشره وانا عارف ان معظمكم هيزعل من كلامى وله العزر وكل احترام ...

والله كلامك صح يا فريد بس اهم حاجه لازم يكون قبل الزواج فتره خطوبه وحلوه لما تكون سنه وانا مش بشجع الزوج فى سن صغير يعنى الراجل27 ,28 والبنت 23,24

لا بس لازم يكونو واخدين علي بعض قبل الخطوبه كمان مش قبل الزواج

بصراحه يا امير انا مش بتفق معاك على الكلام ده بس على فكره احنا عندنا فى البلد البنت بعد متتخطب وتفشكل الخطوبه الناس بتتكلم بس انا مش شيفه فيها حاجه علشان كده انا بقول بلاش موضوع التعارف قبل الخطوبه وغير كده الخطوبه دى بتتعمل علشان التعارف يبقى ملهاش لازمه اى حاجه غير كده ونفسى اهل البلد يفهمو كده

سؤالك صعب اوى يا مملكة

الحمدلله الواحد مرتبط ولا كان هايبقى اختيار صعب بس أنا من وجهة نظري وعلى رأي المثل اللي أجدادنا بيقولوه وهوة مثل صحيح وفي محله ( خد اللي تحبك ) ومادام هيه كدة أكيد هاتسعدني طول حياتي ومن وجهة نظري برده أن الحب الذي يدوم هوة الذي يأتي بالمعاشرة وبعد الزواج

انا راى مع البشمهندس على راى المثل خد اللى يحبك متا خدش اللى بتحبه اللى بيحبك اكيد هيعيشك فى سعاده واكيد انا هحبه بعد كده لانه بيسعدنى ده راى المتواضع

شكرا على مروركم الجميل الذى اسعدنى كثيرا

على حسب حالة الشخص المحب فاحيانا هذا الحب يعطى السعادة وانامش مع مملكة الحبفى ان الحياة هتقف عند هذا الموقف لان الحياة عمرها مهتوقف عند الموقف دةلانة لابد انة هيلاقى شخص يحبة او حتى يعزة ويحترمة بس مش معنى كدة انه هينسى حبه بس هيفضل ذكرة جميلة يعتز بها

الحب بجنون اذا تبادل الحب من كلا الطرفين

فاذا كان من طرف واحد فلا يستحق الجنون هذا راى

بس تعرفى مملكه الحب
فعلا امر محير عرفه ليه لان القلب مينفعش الانسان يتحكم فيه

بس ذى ما قلت لو عرفت انو الانسان ده مش بيبادلك نفس الحب يبقى بلااااااااش

» لو حد حصل معاه الموقف ده هيعمل ايه ؟؟
» تخيل معانا ممكن تعمل اية ف الموقف دة ؟؟؟
» إذا تنحيت اليوم.. سيكون هناك فوضى
» عام 2011 سيكون أكثر برودة من 2010
» مرسى: توصلنا إلى عدد من مجرمى أحداث سيناء ونمسك بخيوط الموقف